漁獲浜燒 (Closed)

雖然今年過左大半，但係我都幾肯定呢間餐廳會係我今年食過最佳既餐廳！佢做到食物有質素，侍應有服務；真係無得挑剔。我地叫左黑松露比目魚沙津、五色刺身拼盤、特上漁獲浜燒盛合、味噌甲羅燒黑松露比目魚沙津：份量幾大，黑松露菌都幾多，開胃！五色刺身拼盤：新鮮！牡丹蝦大大隻，肉質爽脆鮮甜，海膽一塊塊睇得出又係好新鮮，甜到不得了。不過我最欣賞係赤身。因為香港好多地方既赤身都好低質，但係呢度既赤身好重魚鮮味同時亦無渣無筋。出色！特上漁獲浜燒盛合：呢個set係今日既主角——有松葉蟹、帆立貝、鮑魚（上菜個陣佢仲識郁）、蠔、珍寶大蝦（真係好大隻）。全部都好好食、好好食、好好食！（真心說話要講3次）蠔又肥好脆口，燒完都無咩點縮； 大蝦好爽好嫩，帆立貝整左兩食（清酒同牛油），各有千秋，鮑魚又係甜到不得了，蟹就俾哂我愛人食。味噌甲羅燒：每次去燒物店都會叫，呢度既甲羅燒都好有驚喜，佢加左麵包糠，食落香口又有d一粒粒脆脆咁，幾得意。甜品蕃薯雪糕亦好正，濃濃既蕃薯香。叫左枝清酒，好香，幾鐘意。食燒海鮮加清酒真係無敵！不過我最欣賞係佢地既服務態度，好nice，好細心！又會悉心照顧每一枱客，同解釋每樣食物既來源同食法。食得好