鬼金棒牛骨辣麻拉麵 (Closed)

今日天氣又凍又濕，真係好想食啲熱嘢暖吓肚仔。我哋去到尖沙咀亞士厘道見到呢間個門牌個公仔好得意就入去試吓。呢一間係專食日本牛骨湯底拉麵。我叫咗：1）原味招牌牛骨拉麵2）芫荽麻辣牛骨拉麵加拉麵底3）餃子六隻4）可樂真係有驚喜喎🤗，湯底有好濃嘅牛骨味，牛肉片亦都好嫩滑，牛骨湯可以掛到上麵度，麵質彈牙爽口，每一口都覺得好正牛味，仲有，牛筋都又滑又彈牙。超正😋芫荽麻辣牛骨湯，我哋揀咗小麻小辣。芫荽麻辣牛肉片三樣都好夾。好香好美味。朋友都食到停唔到口👍🏻👍🏻👍🏻下次會再挑戰麻辣度升級😚。餃子皮薄Juicy😋。而環境十分之好乾淨整潔坐得好安心。呢度啲靚仔哥哥好好，仲介紹個佢地既湯底用多達40 kg嘅牛腿骨熬製而成，所以味道好香濃。而湯底可以選擇麻辣程度啱晒唔同人口味。