Classy Le Carré

Open Now

Now Closed

行完海旁搵吓附近有咩餐廳，之後見到呢間好有聖誕氣氛，出面有好大棵聖誕樹，同埋喺玻璃窗望入去都好靚。出面太凍啦，即刻走入去。坐低冇幾耐就開始上咗餐包，佢有三款唔同嘅包，有牛油同埋肉醬，我就比較鍾意點肉醬好味好多，三款包得好鬆軟，同埋好有咬口。咩都唔理，叫咗餐前飲先。原本想試吓佢杯紅心Q，但係咁啱就冇，所以就要左伸縮自如的愛，個杯賣相都唔錯，酒底比較重。另外叫咗一杯妮可羅寶，冇酒精酸酸甜甜都幾好味，我就比較鍾意飲料杯多啲。主食就叫咗牛骨髓意粉，個意粉都做得幾出色，調味嚟講我認為係有驚喜嘅，啲牛肉都燒得啱啱好，好有唧勁。另外就叫咗海鮮Risotto，入面勁豐富勁多海鮮，有大蝦、磯燒鮑魚、青口，仲有好多唔同海鮮，個汁都煲到溶晒入啲飯度，每粒米飯都好有層次。