一鍋堂 (大鴻輝(荃灣)中心) (Moved) New Location

呢排凍凍地即刻諗打邊爐，今晚同朋友黎左呢間早前雜誌大推的邊爐店。由於我地好怕排隊，所以選擇最早5點的時段入黎醫肚。一黎到職員就會問你要咩湯底，我地揀左壽喜燒+大地魚湯底。之後就掃收據上的QR code揀選配料。除左一般的肥牛，丸類等配料外，也要花膠，海蝦，蜆，自家製的餃子等等點完後約5分鐘食物已經上枱，速度快之餘亦無漏單情況，呢點值得一讚！大部分我地每一樣也點了試試，推介花膠，肥牛，鹹蛋魚皮，墨魚滑，自家製餃子，魚腐！每一樣也落足料，絕不是以量取勝的那種，光顧數次質素也相同！