Video
Read full review
2022-11-03
43 views
天氣凍凍地， 除咗食日本shabu shabu之外， 日本野壽喜燒都係唔錯嘅選擇。上星期就同朋友去咗位於銅鑼灣駱克駅嘅《壽兵衛》食壽喜燒。壽喜燒係用熱鍋， 將各款食材，配以特製嘅醬油、糖與味醂等醬汁即席烹煮，大㕑喺面前烹煮見出心思。 一邊食， 一邊可以欣賞到大廚嘅烹調技巧， 係係味覺和視覺嘅享受。《前菜三小點：吞拿魚蓉海膽豆腐， 磯煮鮑魚，白粟米》。 由最清甜的白粟米吃起， 口感清爽， 味道清甜順喉。吞拿魚蓉帶點麻油香和七味粉嘅辣， 醒神開胃。磯煮鮑魚， 口感煙韌。《刺身三點：北海道帶子，深海池魚，火炙拖羅》。 新款刺身都好新鮮， 尤其係火炙拖羅， 入口油脂爆發， 為今晚盛宴打開序幕。先來一個小食《三文魚籽和牛他他》， 和午他他本身較為肥美，下面有水晶梨襯托， 加了一份清甜果香。 配埋鵪鶉蛋嘅蛋黃， 攪拌後口感更加滑溜。加上一抹黑魚子醬，和三文魚籽， 增添一抹鹹香。《墨汁茶碗蒸》， 滑溜程度不容置疑。 入面加入咗各款海鮮，有墨魚仔和三文魚籽，隱隱食到墨魚汁嘅香氣。在我哋一邊品嚐前菜小食嘅時候， 面前負責主理嘅廚師先用和牛油起鑊， 為我哋準備之後期待已久嘅牛肉壽喜燒。先介紹一下呢度嘅牛，
上星期就同朋友去咗位於銅鑼灣駱克駅嘅《壽兵衛》食壽喜燒。
壽喜燒係用熱鍋， 將各款食材，配以特製嘅醬油、糖與味醂等醬汁即席烹煮，大㕑喺面前烹煮見出心思。 一邊食， 一邊可以欣賞到大廚嘅烹調技巧， 係係味覺和視覺嘅享受。
《前菜三小點：吞拿魚蓉海膽豆腐， 磯煮鮑魚，白粟米》。 由最清甜的白粟米吃起， 口感清爽， 味道清甜順喉。吞拿魚蓉帶點麻油香和七味粉嘅辣， 醒神開胃。磯煮鮑魚， 口感煙韌。
《刺身三點：北海道帶子，深海池魚，火炙拖羅》。 新款刺身都好新鮮， 尤其係火炙拖羅， 入口油脂爆發， 為今晚盛宴打開序幕。
先來一個小食《三文魚籽和牛他他》， 和午他他本身較為肥美，下面有水晶梨襯托， 加了一份清甜果香。 配埋鵪鶉蛋嘅蛋黃， 攪拌後口感更加滑溜。加上一抹黑魚子醬，和三文魚籽， 增添一抹鹹香。
《墨汁茶碗蒸》， 滑溜程度不容置疑。 入面加入咗各款海鮮，有墨魚仔和三文魚籽，隱隱食到墨魚汁嘅香氣。
在我哋一邊品嚐前菜小食嘅時候， 面前負責主理嘅廚師先用和牛油起鑊， 為我哋準備之後期待已久嘅牛肉壽喜燒。
先介紹一下呢度嘅牛，《熟成21日美國牛》， 在熟成櫃無菌熟成， 牛嘅味道更為突出。
熟成牛肉只會燒一邊，保持出面香口，裏面juicy多汁。加入大蔥同日本茗荷包成卷物， 口感味道層次更加豐富 。點日本紅雞蛋曉 ， 品嚐到肉香之餘，同時嘆到蛋香，超讚!
《牛舌》 騷香十足， 彈牙爽口。 下邊放了煮好嘅洋蔥絲， 食之前加入酸汁以及蒜片， 酸酸味味非常醒胃。
《日本和牛西冷肉眼》 係全晚嘅精髓所在， 和牛西冷滿佈雪花紋嘅油脂， 輕輕一灼， 再加上特製醬油汁，就可簡單品嚐。 和牛西冷入口即溶， 油脂香氣喺口腔徘徊不散， 令人非常回味。
初時還驚太飽想拒絕一囗白飯， 誰知那一啖《一見鍾情飯》 同和牛互相輝映。 入口前再點上皇蛋黃， 品嚐一下那份爆脂嘅感覺， 再吃下一口白飯，達到最高好味境界。
《燒野菜》，有冬菇、津白、洋蔥、春菊、同日本紫蘿蔔等， 野菜吸收咗鐵鍋燒完牛肉嘅油脂和肉汁， 味道香濃。特別的加入了青蘋果，味道帶酸，超級解膩。
《滿溢筋子釜飯》 釜飯中加入了黑松露醬，支豆和蟹肉， 本應就是相當美味。 誰知師傅拿來一大碗筋籽，可以隨個人喜好隨便添加， 非常慷慨。 但留意太多的話會過鹹， 影響咗釜飯嘅味道， 還是適可而止好了。
《舞茸菇清湯》， 舞茸菇屬於貴價食材， 那份茹菌香溶入清湯當中， 呷一口，頓時清新感覺返曬嚟。
甜品《櫻花水信玄餅》， 賣相如水晶球一樣晶瑩剔透，配黃豆粉和黑糖漿， 幸福感滿滿。另外， 紅桑子雪糕味道酸酸甜甜， 果酸解了之前和牛嘅油膩感。
呢一餐壽喜燒絕對令人相當滿足， 牛肉高質， 材料豐富， 大廚拿捏食材嘅手勢相當好， 而且服務態度更是一流，讚!
Post
