船渦

Open Now

Now Closed

其實幾個月前有朋友約我去食呢間，不過我嫌天時熱就拒絕咗佢。宜家天時涼返啲，我就約返佢，好彩佢無拒絕我姐。佢雖然一開始無拒絕我，但後尾話公司要OT放我飛機，咁我唯有一個人去食啦。哎，唯有美食可以治愈我受傷的心靈。八府巡按套餐，足足有十款海鮮，兩款肉，仲有三件特色點心同埋蔬菜籃。小小嘅蒸爐幾得意，我見佢啲蝦上到枱仲fing fing下，真係好生猛。當我慢慢歎緊我嘅一人蒸鍋，食得正享受之時我朋友就到了，之後一人蒸鍋又變成兩人蒸鍋。佢仲要搶我啲海鮮同燒賣食。蒸鍋嚟講呢，首先一人蒸鍋的而且卻幾有gimmick，味道亦唔錯，各款材料樣樣有齊，環境都幾靚，但唯有稍微有不足就係套餐唔送飲品，如果有送汽水，咁就完美啦。