威記飯店 (Closed)

聖誕節有朋友由澳洲來香港玩，對方想試試香港地道美食，就去遊客最愛的廟街啦!因為平時好少會去，都唔知邊間好食，見威記咁好招呼就坐底試下啦!3個人叫左5樣野:豉椒炒蜆：依個係本人至愛，豉椒味勉強夠，但係蜆肉真係好細粒，而且有幾多沙，同埋唔知佢係咪炒定，當晚好凍又坐街邊，碟野好快凍晒，凍晒d汁就「瓊」晒好難食，細細碟都食唔晒，差唔多50蚊好唔抵椒絲腐乳通菜：大碟，好味，最緊要新鮮熱辣，依個正避風塘賴尿蝦：夠熱，d蒜蓉夠多同非常香，好惹味，只可惜蝦又係好細隻臘腸煲仔飯：普通，個飯只係有豉油味，同埋見到d臘腸斬開晒有少少失望，因為睇起上黎少左，同埋無左咬落去成口油個感覺豉椒排骨煲仔飯：比臘腸飯好，打已經有豉椒香，食落都幾夠味，但係排骨比較肥總括覺得廟街應該有更好選擇，下次都係做定功課先黎。另外一讚係服務好，我同朋友都無食過賴尿蝦，老細都好耐心教，叫佢影相又好nice，收d殼都幾快手，相信比到遊客好印象