彩aya

Open Now

Now Closed

見到蘋果日報介紹呢間係西環既沾麵，就決定黎試下。第一次去既時候係下午2點幾到，點知佢已經賣曬（佢地15:00就會關門，晚上再開）🤢第二次去既時候係佢一開門11:40就去到，點知去到已經見到大排長龍，但好奇怪既係佢入面明明仲有勁多位都要分批入，我地前面明明得少過10個人但都要等15分鐘到😧最大既問題就係一路等位既時候已經聞到超大陣臭渠味，開頭我地以為只係餐廳出面，點知入到去坐低陣味都無消失到😵😵😵大大影響食慾。另一個問題就係明明個侍應已經係不斷係門口安排分批入座，點知到我地想坐低想落單既時候佢一路都無應過我地，因為佢係咁問我地同其他枱既客人轉去其他位🤷‍♀️有啲客人甚至比侍應要求轉位2次我認為咁樣係對客人好唔尊重同禮貌既行為，既然你花左咁多時間安排入坐點解又要係咁轉？再黎就係個沾面，我地叫左原味豚骨湯配黑椒面，但係個湯太稀了，排唔到湯，完全無左沾面既意義，面質亦都太硬，加上嚴重的臭味，完全影響食慾，所以急急食完就走唯一既好處就係佢價錢實惠，但試一次就足夠。