美都餐室

Open Now

Now Closed

好友從外地返嚟，話想食啲懷舊港式茶記嘢，所以就揀咗去「美都」。星期六中午12點半去到，冇咩客人，地下唔開要上二樓。兩個人叫咗個焗豬扒飯、錦鹵雲吞、紅豆冰、一杯凍奶茶加一杯熱奶茶！焗豬扒飯個汁係以前快餐店橙色嗰種，好有以前返學去食lunch個Feel😊 錦鹵雲吞炸得好香脆，同個甜酸汁味道好夾，同埋個甜酸汁都好多料，有豬肉、豬膶、番茄、紅椒同五柳菜……二樓落單嗰位阿叔個樣係cool啲，講嘢係掘啲，但又未至於好惡鬧人嘅。但如果你想要優惠質嘅顧客服務就未必啱你喇🤣見佢有八達通機，不過收錢💰阿姐話佢哋唔收八達通只收現金。埋單盛惠$249，抵食就講唔上㗎喇😆