Read full review
2017-03-14
2406 views
返黎香港後一直心思思想食自助餐！咁啱！！帝苑竟然做緊六折優惠當然唔洗猶豫啦！6點半左右到餐廳，因為唔算多客加上係星期一的關係所以唔需要等候就可以入席啦！由於之前冇黎過食，第一印象係覺得環境/氣氛都唔錯,幾有FEEL!放低左啲野之後梗係即刻拎野食!!平時食自助餐第一件事就係睇佢有冇羊架同牛扒！！帝苑的肉眼扒食落唔算勁韌，因為唔算整得太過熟，應該係五六成熟左右既程度。所以算易入口，唔會有太多血水令人卻步，應該係大部分人都可以接受的程度黎！另外有三種醬汁配搭，燒汁/黑椒汁/芥辣，都係啲大路既醬汁！羊架！！！！掛住食唔記得影！一啲都唔膻，而且個人比較鍾意食帶有小小肥肉的羊架，當晚見到既羊架都好肥美！！而且好入味，或者係燜煮的方法較好所以唔覺得好膻！食完兩樣必食item後，就試左帝苑的燒味檔！其實種類都算廣泛，由中到西再到日式泰式都有！而且燒味種類都唔少！基本既叉燒，燒鵝，燒雞，燒肉。再黎連滷味都有提供！！豬大腸，豬耳紅腸等等！聽朋友講，帝苑的海南雞飯好出名，咁梗係要試！嗯，唔知當晚係咪有少少失水準，雖然雞肉都算係嫩滑，但係冇咩味，飯亦唔算太香，冇咩想再食的衝動。食曬呢啲野我先發現頭盤的海鮮類，
6點半左右到餐廳，因為唔算多客加上係星期一的關係所以唔需要等候就可以入席啦！
由於之前冇黎過食，第一印象係覺得環境/氣氛都唔錯,幾有FEEL!
放低左啲野之後梗係即刻拎野食!!
平時食自助餐第一件事就係睇佢有冇羊架同牛扒！！
帝苑的肉眼扒食落唔算勁韌，因為唔算整得太過熟，應該係五六成熟左右既程度。所以算易入口，唔會有太多血水令人卻步，應該係大部分人都可以接受的程度黎！另外有三種醬汁配搭，燒汁/黑椒汁/芥辣，都係啲大路既醬汁！
羊架！！！！掛住食唔記得影！一啲都唔膻，而且個人比較鍾意食帶有小小肥肉的羊架，當晚見到既羊架都好肥美！！而且好入味，或者係燜煮的方法較好所以唔覺得好膻！
食完兩樣必食item後，就試左帝苑的燒味檔！其實種類都算廣泛，由中到西再到日式泰式都有！而且燒味種類都唔少！基本既叉燒，燒鵝，燒雞，燒肉。再黎連滷味都有提供！！豬大腸，豬耳紅腸等等！
聽朋友講，帝苑的海南雞飯好出名，咁梗係要試！嗯，唔知當晚係咪有少少失水準，雖然雞肉都算係嫩滑，但係冇咩味，飯亦唔算太香，冇咩想再食的衝動。
食曬呢啲野我先發現頭盤的海鮮類，因為本身對蟹有敏感所以就冇食到長腳蟹！不過見到朋友食得津津有味！應該係唔錯既！自己就試左翡翠螺，青口同蜆，不過不失，唔會太腥，但亦唔會不停encore。因為仲有好多其他特別既野食等緊我！！帝苑今期出左唔少同鮑魚相關的菜式，例如要憑卷換領的酥皮焗鮑魚，講真，第一次食咁既配搭！鬆軟的酥皮入面係原隻鮑魚，不過味道就有啲淡，但係幾特別的。仲有鮑魚鍋巴，呢個真係好好食！一口的份量，鍋巴好脆而且上面唔係鮑片，而係原隻既鮑魚仔！！食返幾粒已經覺得回左本！另外仲有個日式鮑魚凍派，哇呢個真係可以唔洗試。。。簡直好似食左一舊油落肚咁！口感都有啲嘔心，食到好濟！！
至於日式野食方面，基本既刺身有三文魚，吞拿魚，油甘魚，八爪魚。而壽司方面最喜歡係燒三文魚壽司！另外仲有幾款日式小食，例如八爪魚仔，螺肉，中華沙律。仲有一個擺到成條龍咁既加州捲，不過加州捲會食到太飽就冇試啦，同埋鮑魚手卷，賣相都頗為吸引！
係日式攤檔旁邊有個海鮮粉麵檔！可以自選海鮮比廚師料理，可以單係海鮮亦可以加河粉，油麵米線等。當晚見到覺得好吸引所以就要左碗河粉，加左蜆同珍珠貝，揀左冬蔭功湯底，另外仲有清湯可以揀。揀好比廚師之後，佢會比個牌仔你過一陣拎返，個陣食食下都爭啲唔記得自己嗌左碗粉...過左好耐去拎以為一定會淋曬，點知原來會等我去到先幫我加湯，好彩咋。。。如果唔係我應該都唔會食。。。值得讚揚！
最後甜品方面，蛋糕類都有好多選擇下，紐約芝士蛋糕係我印象較深刻的一款。不過雪糕方面就有d普通，雖然係Haagen－Dazs雪糕，但因為冇咩特別既口味，都係朱古力，芒果，士多啤梨呢啲基本野，相對蛋糕款式而言冇咁吸引，所以就將個肚留比蛋糕啦！另外令我覺得好驚喜既係，竟然會有楊枝甘露呀！！！！而且做得唔差，唔會得勁少芒果咁！！好味！
總括而言，成個自助餐的食物種類豐富，味道係水平以上，某啲野食會令我帶來驚喜，例如鮑魚鍋巴。呢個價錢可以係五星級食到個自助晚餐，算抵啦！！如果唔係因為要離港，真係想趁優惠期再去食一次呀！！
肉眼扒
57 views
0 likes
0 comments
薏米沙律
78 views
0 likes
0 comments
日式鮑魚凍派
75 views
0 likes
0 comments
滷味及燒味
96 views
0 likes
0 comments
必備item:朱古力噴泉
67 views
0 likes
0 comments
海鮮粉麵檔
77 views
1 likes
0 comments
海南雞飯
54 views
0 likes
0 comments
法式麵包
69 views
1 likes
0 comments
冬蔭功河粉
71 views
1 likes
0 comments
Post
