Video
Read full review
2021-06-09
817 views
因為各種便利性，最近好幾次來到新都城。光顧四點金已經第三次，而且短時間內。三次都點套餐，現在新價錢上調為平日$288，依然抵食。每次都要滷水鵝拼盤。小小一份，滷水香而清，少許藥材味，鵝肉滑溜甘香。大腸入味軟淋，用的是新鮮豬腸。豆腐滷入味又滑，有豆香。紅腸搭色，普通嘢。每次都點胡椒豬肚。其實三次都幾好，惟獨第三次食時豬肚多了一種豬燥味，而胡椒味稍多了。湯有放醃芥菜。一上枱就有的前菜，睇帳單知道$9一碟。可以說，要俾錢都值，鹹酸菜鹹酸平衡，少許甜味回甘，丁點麻油點綴。點了兩次的煎煮黃花。黃花魚煮得細緻，魚湯甘甜，魚先上生粉炸透，有單放湯煮上碟。佐料有芹菜，椒絲薑絲冬菇絲。點了一次水瓜烙。其實幾好，粉漿調得好，煙韌爽彈，只不過比較少食，澱粉太多。點了一次海皇粉絲煲。粉絲炒得乾身唔容易，海鮮都大致幾好，惟獨調味稍重，口渴了。點了兩次鳳梨梅羔骨。醬汁酸甜開胃，可惜唔夠熱。有一次散點了一個沙茶牛肉芥蘭，這是不用點的一道菜。首先沒有炒，牛肉走油，芥蘭飛水，然後淋個沙茶芡，芡汁又唔夠味，牛肉厚身，但疏打粉醃得太過，都唔知食緊乜，有鹼味，芥蘭係靚，但就係唔值。跟餐最後上蛋散，又一精彩之處。現在能見到已不
三次都點套餐，現在新價錢上調為平日$288，依然抵食。
每次都要滷水鵝拼盤。小小一份，滷水香而清，少許藥材味，鵝肉滑溜甘香。大腸入味軟淋，用的是新鮮豬腸。
豆腐滷入味又滑，有豆香。紅腸搭色，普通嘢。
每次都點胡椒豬肚。其實三次都幾好，惟獨第三次食時豬肚多了一種豬燥味，而胡椒味稍多了。湯有放醃芥菜。
一上枱就有的前菜，睇帳單知道$9一碟。可以說，要俾錢都值，鹹酸菜鹹酸平衡，少許甜味回甘，丁點麻油點綴。
點了兩次的煎煮黃花。黃花魚煮得細緻，魚湯甘甜，魚先上生粉炸透，有單放湯煮上碟。佐料有芹菜，椒絲薑絲冬菇絲。
點了一次水瓜烙。其實幾好，粉漿調得好，煙韌爽彈，只不過比較少食，澱粉太多。
點了一次海皇粉絲煲。粉絲炒得乾身唔容易，海鮮都大致幾好，惟獨調味稍重，口渴了。
點了兩次鳳梨梅羔骨。醬汁酸甜開胃，可惜唔夠熱。
有一次散點了一個沙茶牛肉芥蘭，這是不用點的一道菜。首先沒有炒，牛肉走油，芥蘭飛水，然後淋個沙茶芡，芡汁又唔夠味，牛肉厚身，但疏打粉醃得太過，都唔知食緊乜，有鹼味，芥蘭係靚，但就係唔值。
跟餐最後上蛋散，又一精彩之處。現在能見到已不多，雖然多少都早點炸定，但幾次食過都鬆，脆，香又唔黏牙，配上少許黃糖煉奶，體積大但入口鬆香，沒負擔地吃完。整體而言，大概幾好，帶位領班姐姐非常好禮貌，上菜速度快，可惜部分菜式該熱的不夠熱，座位闊落，環境不算嘈吵，相信下次到新都城都會去。
Post
