入座「有蓋茶杯」內已有8寶茶料，茗茶每位盛惠$13，真係要用全熱水浸下焗下先好飲！
始終係四川菜，但係竟然一樣辣野都無試？！哈哈！
酸菜魚（走辣）：無骨魚肉滑，唔會太酸，連紅薯粉做底。分量都夠3個普通食量的人吃。眼見差不多每枱都有一碗咁上下0既「魚」（必點！）
醉雞：酒味濃，分量不太多，連雞皮都吃埋~
賽螃蟹：撈埋蛋黃，味道一般
炒飯：D飯係肥嘟嘟的，係咩米？味道都唔錯，個碟唔算大，但佢係「叠」到一座山仔咁。因為之前已有紅薯粉打底，所以分量覺得OK~
落左單之後，D野食好快就一樣接住一樣咁黎（可能點D菜唔駛點落功夫）。
總括而言，味道唔錯架，環境寬敞。
3位埋單盛惠 $506（已計左7折）~
