桂花小幸 (將軍澳廣場)

Open Now

Now Closed

今日去咗將軍澳行吓，懷緬一下之前同狗仔一齊嚟將軍澳嘅時光。由海邊行返去地鐵站附近就去搵地方食晚餐。經Popcorn商場慢慢穿咗去將軍澳廣場就見到呢一間台式料理，門口仲有該店嘅台式飲品專櫃。入去坐低，雖然見到有抵食嘅晚市套餐，但係全部都係飯類，而我想食台灣麵，所以散嗌，一樣抵食。散嗌：《 酥炸排骨台灣麵（紅燒湯_微辣） $64 》湯底揀咗紅燒湯香濃，好味而不咸。麵底份量多，排骨大塊，而且炸皮薄身不油膩，肉質唔乾，配埋沙律醬幾惹味。《 椒鹽花枝丸（3粒） $28 》三大粒花枝丸，外層椒鹽味香口。《 蜜桃烏龍蘆薈（凍）（少甜少冰） $25 》 大杯又夠多蘆薈，微甜可能會更適合本人口味～ 性價比高，怪不得幾多食客捧場。