德美壽司

Open Now

Now Closed

臨近放工,朋友突然之間話想食日本嘢, 喺尖沙咀區諗起食壽司好自然會諗起德美,價錢唔算貴,品質有一定保證。9點鐘去到,全場依然係爆滿,等咗兩分鐘入座,檯與檯之間有一定距離,適合三五知己傾下計。我哋三個揀咗個壽司拼盤,兩客海膽壽司, 一客野菜牛肉鍋。海膽壽司係新鮮嘅,幾甜,唔錯。$498壽司拼盤刺身同飯都偏大Size,品質係唔會令你失望但亦唔係有咩驚喜個隻。至於個牛肉鍋,朋友覺得偏鹹,而我就覺得味道幾濃,係好味嘅。九點後啲人陸陸續續都埋單走,個環境安靜適合傾計,侍應不時會走嚟加水,外面有個露台方便需要呼吸嘅人士,唔駛食食下走落樓下。