極尚大瀛喜日本料理 (Closed)

在銅鑼湾睇完戲，又不想行街，朋友就提議去"極尚大瀛喜"食放題，咁就去試下啦。照慣例，我們一定先點一個刺身併盤，三文魚，北海道帶子，珍寶赤蝦，虎蝦，鮑片，翡翠螺都被我們選中！見刺身未到，朋友已走出去攞了泰式鳳爪，海切食住先！刺身到了，賣相好靚，真係唔食得都睇得呀！哈哈！燒物選了焗原隻帆立貝，果然是推介！不錯呀！天婦羅選擇了南瓜和蕃薯，見炸漿也不是厚身的，入口並不肥腻，都幾好食！ 串燒也來了，有鹽燒牛舌，有機鮮菠蘿和日本蕃薯仔，熱辣辣，燒得幾好，味道亦唔錯。 香葱拖羅蓉軍艦，海膽手卷，炒五目雜菜也到了。食物來得也很快，枱面已放滿食物，我們也得密密食，沒有傾計吹水了！這兒的飲品也有很多選擇，有三個大雪櫃，總有一款啱你吧！ 仲有雪糕、乳酪、甜品也是，種類真的很多，爱吃甜品的朋友，又怎會錯過呢！我們也吃得飽飽，滿足了！