港口味冰室 (Closed)

☆港口味冰室🖤🤍今次到訪長沙灣黑白裝修、時尚光亮，仲有霓虹燈牌嘅冰室，不乏地道茶餐廳風味，夠曬有特色～-清湯牛腩飯($68)連霓虹燈牌都寫住清湯腩飯，就知呢道菜係鎮店之寶🤩牛腩份量超足，真係第一次見一大碗牛腩送飯，大件夾抵食，不過如果牛腩可以煮腍一點就更好清湯味道特別，用左新派胡椒藥材湯底，白蘿蔔吸盡湯底精華特別好吃！🍚(˶‾᷄ ⁻̫ ‾᷅˵)推薦指數: 8/10.叉燒煎蛋飯($60)叉燒係用西班牙伊比利亞黑毛豬燒成，厚切肉質較結實，味道香口🤤煎雙蛋令叉燒飯賣相眼前一亮，蛋黃汁混入豉油飯一齊食更可口，而且飯量充足非常飽肚🐷(˶‾᷄ ⁻̫ ‾᷅˵)推薦指數: 7.5/10. 野菌浸時蔬($35)蔬菜顏色算新鮮，而且有不同種類嘅時蔬浸喺清湯中，包括芥蘭、椰菜、西蘭花和蘑菇🍄，整體味道幾清新，可作為加餸🥦(˶‾᷄ ⁻̫ ‾᷅˵)推薦指數: 7/10.跟餐飲品：樽仔奶茶 +$9凍奶茶+$3奶茶味道不錯，鍾意佢不太甜而且有淡淡茶香，樽仔奶茶亦挺可愛～(˶‾᷄ ⁻̫ ‾᷅˵)推薦指數: 8/10.