Video
Read full review
2022-06-11
44 views
好耐冇去過旅行啦，好掛住日本！原來喺山林道有間日式珈啡店，裏面嘅裝修係昭和風格，復古、文藝氣息極高！由佈置到餐具都好靚，連飲筒都係竹飲筒，環保又靚，仲好有日本嘅風味！嘢食方面主打日式小品料理，要幾多款要咩都可以自己揀！------------------------------🍱◖四品料理◗ $108一次過試曬四款和食，可以揀三冷一熱/兩冷兩熱，今次就揀咗兩冷兩熱：-醬油五目有牛蒡、蓮藕等等五種小菜喺裏面，微酸，好開胃！-清酒糖心蛋呢個好值得試！清酒味好出，食落有少少酒嘅苦味，配埋甜甜地嘅糖心蛋，味道出奇地match！-金平辣牛肉微辣，好似牛肉飯上面嘅牛肉仲有啲蓮藕，真係會食唔停！-沖繩烤蕃薯條蕃薯條好甜，暖暖地口感好綿密，點埋個蜜糖芥末醬，好似食緊甜品咁，好食！ 跟餐已經包埋一個主食同漬物（啤酒柚子蘿蔔漬），主食揀咗三文魚富士山飯糰，外表富士山咁好可愛！裏面夾咗好多三文魚，唔腥味道亦不錯！ 🍱◖四品料理◗ $108朋友亦叫咗四品料理，同樣係兩冷兩熱，一齊share黎食，就可以試到八品！-蘋果馬鈴薯沙律成個雪糕球咁，食落係好綿好滑嘅薯蓉，加入咗粒粒酸甜嘅蘋果，口感好豐富亦有種特別嘅
------------------------------
🍱◖四品料理◗ $108
一次過試曬四款和食，可以揀三冷一熱/兩冷兩熱，今次就揀咗兩冷兩熱：
-醬油五目
有牛蒡、蓮藕等等五種小菜喺裏面，微酸，好開胃！
-清酒糖心蛋
呢個好值得試！清酒味好出，食落有少少酒嘅苦味，配埋甜甜地嘅糖心蛋，味道出奇地match！
-金平辣牛肉
微辣，好似牛肉飯上面嘅牛肉仲有啲蓮藕，真係會食唔停！
-沖繩烤蕃薯條
蕃薯條好甜，暖暖地口感好綿密，點埋個蜜糖芥末醬，好似食緊甜品咁，好食！
跟餐已經包埋一個主食同漬物（啤酒柚子蘿蔔漬），主食揀咗三文魚富士山飯糰，外表富士山咁好可愛！裏面夾咗好多三文魚，唔腥味道亦不錯！
🍱◖四品料理◗ $108
朋友亦叫咗四品料理，同樣係兩冷兩熱，一齊share黎食，就可以試到八品！
-蘋果馬鈴薯沙律
成個雪糕球咁，食落係好綿好滑嘅薯蓉，加入咗粒粒酸甜嘅蘋果，口感好豐富亦有種特別嘅風味。
-油揚拌菠菜
油揚索曬啲菠菜汁，味道相對普通，冇太大驚喜。
-蟹肉汁煮大根
大根煮得好入味，甜甜的，上面有好多蟹肉！
-黑松露野菜鮮蝦福袋包
極力推薦！醬汁都係微甜，咬落去好濃黑松露味，有好幾隻蝦喺入面，鮮味十足！
跟餐主食揀咗鰹魚昆布湯烏冬，鰹魚味濃，普普通通咁，揀返飯糰會比較有驚喜！
🗻◖富士山特飲◗ +$58
上面係一層好thick嘅奶泡加埋下層嘅蝶豆花，顏色好靚好吸引！下層除咗蝶豆花，仲有一啲白朱古力喺底，好濃奶香，飲落甜甜地，口感似奶昔，好特別！
🍎◖蘋果Kombucha◗ +$28
呢個飲品跟餐有半價，有一片乾菠蘿花，好有夏日度假嘅感覺~呢杯係有酒精㗎，同apple cider有少少似。
🍰◖香港奶茶·獅子山◗ $98
有粒粒伯爵茶葉嘅伯爵茶蛋糕，蛋糕較乾身，係磅蛋糕果種口感，上面淋咗一層芝士奶蓋。伴碟嘅係奶茶雪糕，唔會好甜奶茶味好出，有驚喜！
Encore指數：9.5/10
------------------------------
好鍾意佢每碟細細碟咁擺喺個木盤到，樣樣都好精緻好靚，打卡一流！樣樣都細細份咁，可以試多幾款，食完都好夠飽！佢個環境好舒服安靜，平時約朋友或者黎黎拍拖hea返半日都唔錯！佢用嘅靚靚餐具都可以係門口間婆婆雜貨店搵下，可以買返屋企自用！
Post
