Video
Read full review
2018-02-27
907 views
送雞迎狗，又是新一年的來臨，衷心祝願大家有個美好的一年日，最重要係身體健康，之前如遇上不快事，又或者生活中偶有不如意，就如日曆撕走，用愉快開朗的心境，迎接每天的晨曦，讓生命充滿正能量！ 好幾天新年假期，一家人四出拜年，的確有點累，反正要食開年飯，乾脆飯也不煮，吃一頓豐富的Buffet更划算。 說起來，已有好幾年沒來造訪了，感覺佈置變化不大，但食物質素似乎更具水準，單是門前的甜品專區已經令人駐足，兩大品牌雪糕打頭陣已是賣點。 西式大盆菜 畢竟是中國新年，Buffet都來應節，不過就攪攪新意，用西式材料炮製特大盆菜。 盆菜有烤羊架、烤大蝦、青口、豬脷、豬手及福袋，但個人始終偏好中式盤菜，冒著水蒸氣，嘻嘻哈哈的氣氛。 另一款常備的食物，是每晚7點半左右推出的鐵板和牛，原塊成吋厚，煎至 medium rare ，外層焦香，而內裡帶嫣紅的血絲，簡單的灑些少鹽提鮮，已經令人垂涎欲滴，難怪知掟既客人，未夠鐘已經排定隊。 Seafood platter 有膏多肉甜既麵包蟹；肉嫩又大隻既青口及藍貝；仲有大蝦、蟹腳、翡翠螺同大蜆，可以話
好幾天新年假期，一家人四出拜年，的確有點累，反正要食開年飯，乾脆飯也不煮，吃一頓豐富的Buffet更划算。
說起來，已有好幾年沒來造訪了，感覺佈置變化不大，但食物質素似乎更具水準，單是門前的甜品專區已經令人駐足，兩大品牌雪糕打頭陣已是賣點。
西式大盆菜
畢竟是中國新年，Buffet都來應節，不過就攪攪新意，用西式材料炮製特大盆菜。
盆菜有烤羊架、烤大蝦、青口、豬脷、豬手及福袋，但個人始終偏好中式盤菜，冒著水蒸氣，嘻嘻哈哈的氣氛。
另一款常備的食物，是每晚7點半左右推出的鐵板和牛，原塊成吋厚，煎至 medium rare ，外層焦香，而內裡帶嫣紅的血絲，簡單的灑些少鹽提鮮，已經令人垂涎欲滴，難怪知掟既客人，未夠鐘已經排定隊。
Seafood platter
有膏多肉甜既麵包蟹；肉嫩又大隻既青口及藍貝；仲有大蝦、蟹腳、翡翠螺同大蜆，可以話 Buffet 必有既都有。
刺身
鱲魚、希靈魚、三文魚、八爪魚及甜蝦，而八爪魚觸鬚好粗，有嚼口，甜蝦就大大隻，肉質甜美，唯一要挑剔係要自己剝殼，好煩。
Carving Station
迷迭香燒羊髀
超大隻，簡單的薄切一片，很幽香的迷迭香味，就連mint jelly都不用蘸點。
燒肉眼牛扒
中間位置火喉控制得相當好，帶少許血絲好啱我，肉味雖然及不上香煎和牛，但已經合格有餘。
熱葷
財源滾滾（酥炸鯪魚球）
睇住即炸上檯，咬落熱辣辣，好彈牙，但魚味有點淡。
年年有魚（清蒸海上鮮）
火喉啱啱好，肉質嫩滑。
辣酒煮海螺
辣度其實好輕盈，不過好入味，有嚼勁，不錯。
其他熱葷，仲有什錦天婦羅、燒鴨、咖哩豬、紅酒燴牛尾、青口、蜆肉意粉、揚州炒飯與及香煎黑松露蟹餅，種類幾多。
灼料吧
竟然有少見既菠菜麵及番茄麵，加埋油麵、瀨粉同生麵，個組合幾強，而湯底係雲吞湯或冬陰功湯，後者的辣度都幾勁，要小心嗆喉。
湯
先來一盅花旗參燉湯，湯清但味濃，明顯是足火喉的成果，而聽聞每天會更換不同味道，大家切記飲多兩盅。
另外有甘筍忌廉湯及煲得好綿既皮蛋瘦肉粥。
Cold Cut
不外乎是火腿、莎樂美腸之類，個人興趣不大，囝囝反而食了不少。
小食
在好幾款小食中，最喜歡車厘茄配水牛芝士，小小的一碟，份量恰好，好怕一大碟比人摷亂晒。
燒吞拿魚又係一口一件，幾好。
沙律吧
有燒牛肉沙律、雜果香腸沙律及薯仔沙律，清清地幾好吖！
甜品
今晚既甜品，的確令人大開眼界，先係由Movenpick同Häagen-Dazs兩大品牌打頭陣，提供超過十款雪糕，當中更包括最新及特別口味，就算不是雪糕迷的太太，都即時有心心眼，更何況係囝囝？
Movenpick
瑞士朱古力雪糕、藍莓芝士蛋糕雪糕、榛子雪糕、意大利奶凍雪糕及意大利芝士蛋糕雪糕，都不是大路口味，風格獨特，當然是每款一球啦！
Häagen-Dazs
咖啡、紅桑子雪糕、士多啤梨芝士餅、牛奶拖肥、 九州抹茶麻糬雪糕與及北海道紅豆麻糬雪糕，尤其是最後兩款，是近月先引入，雪糕迷一杯都不能少。
'
最特別是店方推介的藍莓薰衣草雪糕，食落有粒粒藍莓，好濃郁的薰衣草幽香，未必個個接受，但真係好有趣
整個甜品區除了原有的甜品外，更加插了大量中式賀年甜點，充滿了節日氛圍。
賀年法式杏仁餅印上了具特色圖案，小巧精緻。
中式賀年甜點中，以放上「恭喜發財」朱古力薄片的果凍最有趣，每款都是用上有中國風的通花杯，賣相亮麗。
發財木糠布甸鬆軟可口，值得一試。
至於基本的藍莓撻、紅桑子閃電泡芙、蘋果焦糖蛋糕、芒果拿破崙、班蘭蛋糕、Macaroon、椰汁糕 、芝士撻 、藍莓芝士蛋糕、木桶豆腐花及生果布甸，款式超多，相信無乜人可以一次過連雪糕掃一round。
P.S : 想不到平日連加一，如果Openrice下載優惠，埋單大概 HK$350左右，便宜得令人發笑，雖然新年推介期已過，但水準相差應該不會太大，係時候諗下拉隊走返轉。
Post
