Ask For Alonzo

Open Now

Now Closed

之前行過見到有人喺門口位置happy hour 已經好想去試吓點知真係氣氛好好～落地玻璃如果晏晝去嘅話應該都會好醒神餐廳裏面嘅位置唔多有種去歐洲小酒館食晚餐嘅感覺無論一個人去定三五知己去把酒談歡都得！揀咗兩個dinner 有前菜、主食、甜品一開始有麵包同松露醬～免費嘅都一樣有質素點知個白酒煮蜆更有質素！呢個係必點啊個汁嘅白酒味好明顯，歐式香料味好出蜆肉新鮮，配嗰幾片focaccia 一齊食超正另一個揀咗cold-cut platter ～有芝士、麵包、辣肉腸同兩款唔同嘅火腿份量少少不過完全睇得出係有心思主菜就揀咗卡邦尼意粉同意大利燉飯卡邦尼嘅芝士無敵濃～蛋味欠奉不過好香香氣來自煎香嘅風乾豬面頰肉佢炸到好脆口，豬油出晒嚟！方形意粉亦相當掛汁，相當邪惡😛Risotto 用嘅係龍蝦忌廉湯醬配爽口大蝦味道比較似係蕃茄味加parsley 個飯嘅口感處理得唔錯～冇熟透但唔硬其實唔食主食，淨係嗌前菜加嘢飲約埋同事朋友去happy hour都夠正！