海雲天

Open Now

Now Closed

最近好多間餐廳都推出左點心放題，而海雲天絕對係首選，首先可以望住海景飲茶，其次佢哋枱與枱之間嘅距離隔得比較開，喺疫情下相對比較安全，而且佢哋嘅點心一向都好高質素。每人包一份釀蟹蓋、鮑魚撻同花膠灌湯餃，我比較鍾意花膠灌湯餃，有大大塊嘅花膠同好多蟹肉，而鮑魚撻都好好食，撻皮好鬆化，鮑魚又好鮮味。而其他點心就任點任食，以件數去點，唔怕食唔晒，由普通嘅足料嘅蝦餃燒賣到爆醬嘅流沙包、竹筒飯、口水雞、日式炸豆腐，甚至係甜品都應有盡有，而且唔會因為係任食而質素差，所以絕對回本。