165
36
28
4-min walk from Exit D1, Whampoa MTR Station continue reading
Telephone
29968459
Introduction
The Cantonese restaurant in Harbour Grand Hotel is located near the Whampoa waterfront and offers a beautiful 210-degree view of the Victoria Harbour through its large floor-to-ceiling glass. continue reading
Opening Hours
Today
11:00 - 22:00
Mon - Sun
11:00 - 22:00
Public Holiday
11:00 - 22:00
Public Holiday Eve
11:00 - 22:00
Payment Methods
Visa Master Cash AE UnionPay
Number of Seats
150
Other Info
Restaurant Mode of Operation - Type D
Phone Reservation
10% Service Charge
Review (270)
Level4 2021-07-05
8541 views
喺黑雨紅雨黃雨都出齊嘅一個上晝⛈️打亂晒無數咁多香港人嘅計劃好好彩 黃埔君綽酒店裏面嘅餐廳海雲天就無受天氣影響 照常營業😍最正係比我發現到佢哋有個芫荽放題套餐媽咪咁啱黑雨唔使返工 就帶埋佢去開餐^_^呢度自已己用手機QR code落單 好方便 數過呢度都有40幾款嘢食可以點包你可以食到飽一飽🤩🤩有芫荽粉果、芫荽鯪魚球同芫荽牛肉球etc另外芫荽牛肉腸叉燒腸 都好吸引😋仲有個上湯鮮竹卷 全部都落咗我最鍾意食嘅芫荽😝omg 仲要毫不吝嗇成碗都係呀!飲埋個湯都仲得 😗呢度上菜速度都好快 每款都保持到水準👏🏻👏🏻👍🏻如果唔係太鍾意食芫荽嘅朋友點心紙上面仲有好多好選擇 包括有金錢肚、胡椒豬肚湯、薑汁糕、芝麻糕、咖喱魚蛋蘿蔔同春卷等等 包你食到捧腹大笑😂😂大概食咗一個鐘頭 都已好飽了🤓呢度QR code仲會提示你幾時last order🔔如果下次要來記得book枱因為佢分三個時段好多人1245嗰轉最多人呢😲😲!! 人頭費約$200 (已包加一 加茶錢 任食90mins) continue reading
(The above review is the personal opinion of a user which does not represent OpenRice's point of view.)
Level4 2021-06-26
5417 views
餐廳今個初夏以人氣芫茜做主題, 推出「 芫荽點心放題」, 任點任食90分鐘,點心款式多,只需要$168 (星期一至五價錢), 十分抵食, 作為芫荽控的我, 燃點起我的慾望, 怎可錯過, 當然不太喜歡食芫荽朋友,都有好多其他點心選擇, 配埋餐廳 210度無遮擋的維港景色, 無敵海景, 真令人食慾大增。芫荽點心系列: 有芫荽炸鯪魚球、芫荽一口叉燒腸 、芫荽魚片湯米、 芫荽明蝦餃、 芫荽燒賣王、芫荽蝦春卷、心形芫荽炸饅頭等。我喜歡芫荽獨特的香味, 既好味又有下火清熱的作用。 好欣賞芫荽魚片湯米, 湯底鮮甜,散發著陣陣的芫荽香氣, 薄切的魚片, 鮮味彈牙, 與湯底十分搭配。心形的芫荽炸饅頭, 造型吸引, 香脆可口 , 配上芫荽後,滋味過癮。 芫荽明蝦餃及燒賣王, 巨型飽滿, 配上大量蝦肉, 爽口彈牙, 加上芫荽之後, 鮮味加倍提升 , 令人回味。港式點心系列:款式選擇多,特別鍾情椒鹽豆腐粒、鮑汁鳳爪、香芋鮮排骨。 椒鹽豆腐粒, 的的骰骰, 外脆內軟, 滿滿的豆香,十分吸引 。 鮑汁鳳爪, 鹵得十分入味, 輕輕已經容易骨肉分離 , 充滿骨膠原, 女士恩物 。 香芋鮮排骨 , 肥瘦適中 , 肉質滑溜,加上香芋吸收了排骨的肉汁精華, 增添吸引力。 晶瑩鮮蝦餃,外型十分飽滿 , 晶瑩剔透的蝦餃皮, 包裹著滿滿嘅鮮蝦,爽口彈牙,是我飲茶必點點心。甜品系列:菲林芝麻卷、桂花糕、 紫米露、 夠薑紅棗糕、黑金流沙包等。桂花杞子糕,我最喜歡的中式甜品,入口冰冰涼涼, 口感煙韌 , 每一口盡是誘人桂花的香氣, 十分吸引。菲林芝麻卷,傳統懷舊小吃,造型維維妙,超級可愛 ,黑溜溜,口感彈牙, 煙煙韌韌,充滿香濃芝麻香味, 是我的童年回憶。 黑金流沙包, 黑漆漆的包皮好鬆軟, 大口咬下, 金黃色的奶黃, 緩緩流出, 帶淡淡鹹蛋的甘香, 令人心動。 continue reading
(The above review is the personal opinion of a user which does not represent OpenRice's point of view.)
從網上得知, 九龍海逸君綽酒店海雲軒推出90分鐘點心放題, 當中有好幾款點心更加入了芫荽做主打食材。而且價錢唔貴, book定檯今日lunch同媽咪撐檯腳。分3個放題時段, 分別為11:00、12:45、14:30。未夠鐘, 門外已有唔少人等待安排入座, 餐廳環境開揚, 270度無敵大海景, 兼有自然光透入, 果然係高級享受。入座後安排開茶 (茗茶$23/位)scan QR code落單, 點心都算幾快上檯 飲茶不可缺少嘅蝦餃燒賣, 蝦餃脹卜卜, 入面嘅蝦大大隻, 而且鮮味彈牙! 不過個皮稍為厚左少少, 但餡料絕對搶返唔少分數!蝦餃當然亦有加入芫荽系列,芫荽明蝦餃: 將原有蝦餃中多加入了芫荽, 皮層透出綠綠地嘅芫荽, 除了賣相更生色了一點, 味道上果然多一份清新芫荽香, 正!爆荽燒賣皇: 燒賣皮薄, 鮮味豬肉+鮮甜爽口蝦粒, 再加入多一點芫荽, 令鮮味更加突出。芫荽鮮蝦腸粉: 腸粉很滑, 隱藏了原隻鮮蝦, 鮮甜彈牙, 加埋芫荽, 美味配搭芫荽潮州粉果: 煙韌靚皮包住蘿蔔、芫荽、肉碎, 有層次得黎, 芫荽味很出, 肉香又帶清香。川辣金錢肚: 質地好林而且入味, 辣辣地, 惹味!豉椒醬皇蒸鳳爪: 同樣入味, 很有豉汁嘅鹹鹹地鳳爪亦有另一口味---鮑汁鳳爪, 同樣入味金珠鹹水角: 唔會太油, 外皮鬆脆, 入面碎肉很肉香椒鹽豆腐粒: 外脆內軟, 有椒鹽稍為調味, 不算重口味香芋排骨好夠林, 質地唔鞋牛肉球: 好林又keep到原本肉汁甜品方面order左幾款椰汁紫米露: 質地棉滑, 甜甜地, 淡淡椰汁香桂花蘆薈凍糕: 桂花相當重, 清甜又帶花香, 入口即化椰撻仔: 賣相好似好乾, 但食落很有椰絲嘅香氣, 甜甜地, 不錯!整體味道唔錯, 蒸點心較為出色, 點心款式多, 但只有90分鐘限時, 食得比較趕, 還好速食都食得好飽, 好滿足! 每人埋單都係$210, 真心已經回本! continue reading
(The above review is the personal opinion of a user which does not represent OpenRice's point of view.)
Level4 2021-06-18
3812 views
芫荽是一種擁有獨特的氣味的植物,喜歡它的人,無論放在小食、主食以至甜品,也無任歡迎;但討厭它的人聞到它的味道就立即敬而遠之。如果你是芫荽控,這個芫荽點心放題就不要錯過了!點心的主題是芫荽,總共有十五款不同口味的點心和小食。除此之外,還有三十款的經典點心系列,所以無論你是否芫荽控,必定找到你的心水選擇。90分鐘點心放題任食 - 用餐時段:11:00/12:45/14:30星期一至五:HK$168星期六/日/紅色假期:HK$188, 14:30 時段 HK$168十五款芫荽點心之中,有蒸點、炸點、腸粉、亦有湯米和湯飯。芫荽明蝦餃/晶瑩鮮蝦餃:兩款不同口味的蝦餃,一款是傳統的,一款加入了芫荽,芫荽蝦餃的味道明顯比較重口味,各有特色,但兩者都是必吃之選。芫荽蒸點:爆荽燒賣皇、芫荽上素餃、最荽牛肉球、芫荽一口叉燒腸粉、芫荽一口鮮蝦腸粉。爆多芫荽,除了增添香氣外,口感和鮮味都更突出。爆荽和牛酥:酥皮鬆化又帶有牛油的香氣,加了香荽的和牛酥,可以解膩。芫荽蝦春卷:蝦春卷內加入了主角芫荽,有相得益彰的效果。芫荽魚片湯米:米粉盡吸芫茜魚片湯的精華,味道清香。吃過芫荽系列點心,還有三十款點心可供選擇。蟹籽燒賣皇:吃完蝦餃,當然要吃燒賣,經典的外形,經典的口味,必吃之選。黑金流沙包:熱辣辣的流沙像熔岩般流出來,鹹鹹甜甜的鹹蛋流沙很惹味。川辣金錢肚:金錢肚爽彈有口感,川辣的味道更加開胃。豉油王腸粉:簡單的白腸粉加入豉油王同炒,豉油炒過的香氣滲入腸粉內,簡單點些辣醬已很美味。小食系列:手拍青瓜、黃金涼瓜、鮑汁鳯爪、椒鹽豆腐粒、魚湯浸菜苗。這裡只是其中五款,如果大胃王,可以點齊所有款式,小食都有十多款。甜點:最後當然唔少得食甜品,我們點了夠薑薑汁糕、桂花蘆薈凍糕、菲林芝麻卷。三款甜品的甜度剛剛好,亦為這頓芫荽點心放題作一個甜蜜的句號。茗茶 $23/位Interior continue reading
(The above review is the personal opinion of a user which does not represent OpenRice's point of view.)
秋高氣爽又係食蟹嘅好日子 海雲天-秋風起,同朋友一齊約飯局就有人提議想食大閘蟹,坊間食大閘蟹既餐廳花多眼亂,今次就係KKDAY揀左個大閘蟹套餐試一試($468另再收加一茶位,大概550/1),勝在好多樣菜式可以試。.海雲天係紅磡九龍海逸君綽酒店入面,中菜廳環境氣派一流,如果坐窗邊仲可以望住海景添,侍應亦都幾好禮貌,加茶都快手,唯一係尾段上菜速度太趕,食完大閘蟹之就一次上哂其他菜比我地,有少少趕收工咁,要扣少少分。-1.生拆蟹粉伴蒜蓉包3.5/5前菜都幾先聲奪人,一窩金黃色嘅蟹粉非常吸睛,而且仲好貼心咁用小蠟燭保持熱度,可惜蟹粉鮮味唔夠突出,但配住蒜蓉包入口仍係唔錯嘅前菜。2.功夫蟹肉羹3.5/5蟹肉羹都幾足料,落枱時侍應提醒要趁熱食,入口發覺稍為清淡,要加返少少醋調和先突出返湯羹鮮味,亦都頗為暖胃。3.雙色蟹粉小蟹包3.75/5蟹粉小籠包係本人非常鐘意食嘅食物之一,一隻靚嘅小籠包入口應該係鮮肉湯汁加埋蟹粉嘅鮮味令到小籠包味道提昇多一個層次,可惜依到既蟹粉只算係合格,味道唔夠突出,但都算幾好食。4.清水大閘蟹3.75/5今餐蟹宴嘅主角當然係大閘蟹啦,侍應提醒蟹分兩次落單,包保即叫即蒸,保持熱度,依點要讚,所以兩次上台嘅大閘蟹都係熱辣辣嘅,大閘蟹主要就係食鮮甜蟹膏,同享受由拆蟹到將蟹肉放入口嘅過程,整體都大致滿意。5.椒鹽小黃魚&花雕醉翁鴿(半隻)3.75/5大閘蟹之後就差不多係同時間上哂其他所有菜式,椒鹽小黃魚雖然奇貌不揚咁,但炸得非常香脆,好有驚喜;而半隻醉鴿亦都有花雕味,但得半隻同埋略嫌少肉,食得唔夠盡興。6.古法蟹粉芙蓉撈麵2.8/5蟹粉撈麵可以話係經過之前菜式嘅洗禮之後比較失色既一樣,只係將伊麵煮熟然後淋上蟹粉羹,可惜入口淡而無味,比較失望。7.薑茶湯丸3/5最後食完寒涼嘅大閘蟹當然唔少得食返碗薑茶湯底驅下寒,不過薑湯實在太重手,非常之辣,食完湯圓要即刻飲水解辣。-總結:成個套餐多少有d高低起伏位可以理解,始終大閘蟹先係主菜,其他菜式算係錦上添花啦,睇返價錢嘅話都算有一定性價比,而且餐廳環境唔錯,算係可以一試之選。 continue reading
(The above review is the personal opinion of a user which does not represent OpenRice's point of view.)