Amitie Kitchen

Open Now

Now Closed

今日喺尖沙咀做完facial, 突然間想食埋飯才回家, 諗起朋友介紹過附近有一間西餐廳嘅主廚係喺香港某五星級酒店做過，食物質素必定有保證，今日就特意去試試。➰ 火炙半熟三文魚伴紫蘇葉莎莎經過火炙嘅三文魚表面略帶焦香，但裡面仍保持到生魚片的柔嫩，配埋味道濃郁嘅紫蘇葉莎莎，都幾開胃。➰ 美國頂級西冷扒 （8oz)呢個牛扒叫咗medium, 牛扒煎到外層微焦，咬落去又好夠肉味，而且肉質非常鮮嫩。➰ 宇治抹茶牛奶朱古力絲滑微甜嘅朱古力牛奶配上宇治抹茶嘅濃郁茶香，感受到不同嘅風味層次。➰ 士多啤梨朱古力窩夫伴士多啤梨雪糕呢個甜品擺盤好靚，重可以喺碟上寫上祝福語添。熱呼呼兼好鬆脆嘅窩夫配上士多啤梨醬和朱古力醬已經好好味，再加上一球大大嘅士多啤梨雪糕，令到層次感同口感更加豐富。