星匯扒屋 (Closed)

今日哩到將軍澳慧安園附近 諗住食埋早餐先做嘢就去咗星匯扒屋平平無奇嘅餐廳 但係早餐出奇地好食 我哋四個人嗌咗唔同種類嘅早餐自選西式早餐可以揀唔同嘅扒類 有牛扒 豬扒 雞扒 魚柳 吉列豬扒兩位朋友分別揀咗煎雞扒同煎牛扒 為食嘅我梗係叫佢切啲嚟試下啦 雞扒煎得好香脆一啲雪味都冇 同埋醃得夠入味 牛扒 薄薄地但都好大塊 都好食 唔會太韌而我自己就叫自選三款配粉麵餐 揀咗五香肉丁公仔麵配腸仔煎蛋 如果叫雞全翼應該仲抵 不過早餐食唔到咁多肉每份早餐都會有牛油餐包 真係大件夾抵食不過杯奶茶就麻麻地總括嚟講 係一份出色嘅早餐 意想不到