星匯扒屋 (Closed)

我平時食LUNCH 都習慣汁另上,因為不太喜歡太多汁,同埋叫少汁,佢地會叫你地汁另上.如事者,今日食時,呀姐過黎拾野,見我D汁無咩點食,就講你叫少汁,D 汁好貴呀,下次唔好比咁多汁佢,我心諗,我比錢入黎食總要顧埋你D汁貴定平.

前幾日和仔仔在寶琳聲𣾀扒房吃午餐，這天餐廳不太多客人，我們點了粟米肉片飯和三文治，可能我仔仔吃飯比較慢和在玩手機，這些侍應姨姨想催速我們，想收我們枱面的碟，但因我仔仔吃得太慢，侍應姨姨顯得極之不耐煩，好想好想快些趕我們走，但我當然沒有理會她，最後佢竟然問我可唔可以埋左張單先，我感覺好像趕我們走和驚我（走數），感覺不太好。

正常港式茶餐廳，叫左兩個餐。一個西式早餐，一個面餐。雞扒大件，又有栗米。面餐正常，杯奶茶好飲，兩個餐都送個包，而且個餐包都幾好食。重點係早餐可以食到中午12點，正。

今日哩到將軍澳慧安園附近 諗住食埋早餐先做嘢就去咗星匯扒屋平平無奇嘅餐廳 但係早餐出奇地好食 我哋四個人嗌咗唔同種類嘅早餐自選西式早餐可以揀唔同嘅扒類 有牛扒 豬扒 雞扒 魚柳 吉列豬扒兩位朋友分別揀咗煎雞扒同煎牛扒 為食嘅我梗係叫佢切啲嚟試下啦 雞扒煎得好香脆一啲雪味都冇 同埋醃得夠入味 牛扒 薄薄地但都好大塊 都好食 唔會太韌而我自己就叫自選三款配粉麵餐 揀咗五香肉丁公仔麵配腸仔煎蛋 如果叫雞全翼應該仲抵 不過早餐食唔到咁多肉每份早餐都會有牛油餐包 真係大件夾抵食不過杯奶茶就麻麻地總括嚟講 係一份出色嘅早餐 意想不到

呢幾年都喺呢間食早餐，一開始都覺得幾好，啲staff都幾傾得，態度都幾好慢慢質素越嚟越差，舊嘅姐姐走哂，啲單完全錯哂，做野勁甩漏尤其是個收銀姨姨，聽錯單仲要態度差，真系冇下次

成日見唔做夜市，於是今日午市時間試下，要左個午餐洋蔥雞扒飯+羅宋湯，飯先上，食左一兩啖，個洋蔥汁唔熱，唔至凍，直頭係冰，心諗唔係掛⋯已經食慾大減，之後碗甜嘅羅宋湯都唔想飲落⋯試一次已經夠。

這間餐廳就近我屋企附近，每逢禮拜六都差不多會去這間餐廳吃早餐，其中有一款餐可以選擇3個餸，再配通粉／意粉/烏冬，另外仲有一個餐包以及一杯飲品，承惠三十三元在同區中是合理的價錢吧。我通常會叫五香肉丁、煎熟蛋同煙肉通粉，端上來的時候熱辣辣，而且味道不錯，份量足夠有餘，另外我欣賞那杯熱鴛鴦，順滑口感，加少少糖提升了整體味道，飲一杯當日就會精神百倍(笑)，餐廳每到週六或週日都會有人在門外等候，好彩早餐時間到十二點鐘，所以晏少少起身都仲有得食。

其實屋苑早餐本身都無咩好寫 食黎食去都係咁 但係我覺得收呢個價錢$34食物質素普通 環境望落唔算乾淨都算（連鎖茶記都係$35左右） 但服務態度真係有啲影響我對一間鋪既睇法 今日又去食 屋苑餐廳都係講人情味 啲阿姐都係要同人傾計 扮到好fd咁 先留住到班客 又或者係班阿姐本身真係好鍾意吹水好多野講 咁阿姐傾計好正常 但啲阿姐就好鍾意大大聲講怨言 明明得閒吹水 舉手叫落單睇唔到都算 咁咪大聲啲嗌寫野 之後阿姐就會係到默默念 俾人催到頭都暈埋 個個都催野🤷🏻‍♀️但明明我就見到你係到吹水 電話響又唔聽 其實唔止一次聽到啲阿姐係到呻呢樣講個樣 我覺得人情味還人情味 都要有服務態度既 成間鋪既客就係到聽你吹水係到話好忙點點點🤷🏻‍♀️

🎶這餐廳的早餐已幫襯多年，所以每次到這餐廳都有份親切感。餐廳內部環境不太大，所以很容易坐滿，一到星期六或日很多時都要在餐廳外等候。🎶早餐 $32這個早餐可以自選三款餸，有煎蛋、紅腸、腸仔、司華力腸、煙肉、午餐肉、火腿、沙嗲牛肉、五香肉丁、雪菜、炸菜等，選擇頗多，配上牛油餐包、通粉及飲品，價錢合埋。🎶雖說是簡單的食材，不過煎得香口，保持標準水平，而且餐包是少有的鬆軟，吃完之後有很大滿足感，為我打打氣，愉快地迎接新一天。

大部份餐廳的早餐截止時間是11點半，而這間餐廳在星期六日是12點， 適合我這些不願在星期六日早起身的人，今次，我不是吃早餐，反而點算了午餐。🍛午餐$42可以選擇餐牌上的食物，亦可以自選三款餸配醬汁，好似我選了煎蛋、紅腸及煙肉，簡單配上豉油，雖說是簡單的食材，不過煎得份外香口滋味，豉油吊出飯香，午餐包括了餐湯及飲品一杯，是標準套餐的格局，吃完之後很滿足飽滿。雖說是一間小餐廳，多年水準穩定，侍應見得多了也倍感親切，所以，是我好多時在星期六日光顧的餐廳呢。

今日同男友去食扒，一心諗住据扒好開心！ 本來叫左個牛柳餐食 個經理就話呢期做緊推廣 安格士牛 佢係咁極力推介 講左幾次好食 講到我覺得好尷尬 唯有話好， 試下啦 個前菜芝士蒜蓉焗青口 唔知點解只係食到d羊so味 個餐黎到， 我只係覺得好油， 仲要加埋薯條 我覺得我成肚淨係得油 我真係食唔落！完全唔掂！ 激鬼氣！

之前話想試下呢間,今日終於可以試到喇!我同屋企人叫左粟米牛排意粉,洋蔥雞排飯同焗豬排飯.三份都包餐湯,就叫左羅宋湯.另外焗豬排飯會送埋個餐包.羅宋湯:份量唔係太多,入面d菜都唔係好多,有椰菜同少量蘿蔔,青椒同薯仔.不過酸酸地夠晒開胃粟米牛排意粉:意粉配埋d粟米汁同西冷牛排,好味 但係d粟米好硬.洋蔥雞排飯:份量都幾多,雞排都幾嫩,但係咸左d.焗豬排飯:個汁配落個飯到好香,有d似大家樂嘅焗豬排飯.蕃茄都幾新鮮,而且豬排大大件.餐包:唔係太熱,但幾鬆軟雖然呢餐都OKay,但係所有排類都係好「軟熟」,應該係落左鬆肉粉.但我反而唔鐘意咁樣,因為咁樣會影響左少少本身嘅味道.

為了就腳去了學校對面的星匯扒屋其實在很久以前也吃過味道是不錯的隔了這麼一段時間好像所有東西都辣了很多倍而且服務也很奇怪我們一行5人坐下時聽到waitress說: 三杯水就可以了然後分別少了2杯水和2把刀要再三叫人來才再給回我們上菜方面, 明明我們較某枱人早到但同一餐, 不知是甚麼原因另一枱人會先上等的時候叫天不理叫地不聞有點不耐煩凍奶茶(要+$2)通常飲品是在最後才上的但這裡第一樣上的是飲品奶茶的奶很多雖然很滑但完全蓋過了茶味不過不是太甜, 正合我意羅宋湯羅宋湯很足料但真的辣得離譜幸好我叫的是凍奶茶可以冷卻一下我麻痺的舌頭黑椒雞扒飯又是辣得要命的傑作但雞扒很厚, 很大而且也很滑雖然吃不到任何味道但仍是很讚同時飯又多得很吃後很滯環境很擠逼, 很細可能是裝修問題總覺得不太衛生如果不計食物的話, 我會給一個喊臉但拉上補下仍是ok的..也蠻抵食

今晚做個好孩子,陪daddy,mummy食飯媽咪話想食扒,所以最後決定黎喱間星匯扒屋其實已經響喱到食過好多次,印象一直都吾錯相比起椰林閣,佢ge晚餐有前菜,餐包,仲跟飯,薯菜,意粉不過晚餐就比較少選擇,除非揀鐵板餐,不過就貴d我揀左黑椒豬扒晚餐,飲白湯,配薯菜,頭盤係蛋沙律首先黎左個白湯先,係粟米湯,吾熱,只係微暖希望廚房可以改變一下!!!然後有牛油餐包嘩...今日ge水準做咩跌左咁多,個餐包好un,吾好食我食左少少已經放底左,以前食都吾係咁...失望跟住到主菜,薯條幾好食,不過黑椒汁太辣仲食到d辣椒渣,因為今晚有d吾舒服,所以都冇食晒另外媽咪要左雜扒鐵板餐,飲紅湯,配白飯媽咪飲紅湯ge時候發現湯入面有鐵線...嚇得我呀食左落肚咁點算,吾該廚房留意下,會食死人ga主菜配飯另上,吾係咁鐘意佢用白飯,用炒飯會好好多媽咪都冇食晒...可想而知...爹地就要左個紅酒繪牛尾晚餐,飲紅湯,跟意粉,頭盤爹地話吾抵食,牛尾得好少,配意粉食吾match而且份量相比起扒餐真係算少,爹地都吾夠食最後要左三杯熱檸茶...d茶有少少苦澀味不過可以接受,另外服務幾好佢地發現有鐵線都即刻換過個白湯俾我媽咪又有say