東興菜館 (Closed)

11月尾嘅星期日，去咗大埔東興菜館同家人食晚飯，呢間餐廳係出名嘅拉麵店隔離，菜館多街坊同一啲行完山或者打完波大班朋友幫襯。晚上7點前到餐廳，多數唔駛等位，價錢合理，份量都大。我哋叫咗西檸骨，椒鹽魷魚，咕嚕骨，雞半隻，蒜蓉炒西蘭花，雜菜煲，金銀蛋浸娃娃菜。水準不過不失，比幾年前第一次幫襯係差咗，以前雜菜煲用大大隻蝦乾，依家用冇味嘅細小蝦米。半隻雞大大份，係當中菜式較建議，咕嚕肉酸甜味合適。之前食過雞煲，魚煲嘅小菜，過咸，肉少，唔建議叫。