西貢松記車仔麵

Open Now

Now Closed

因為明星效應，之前見有藝人介紹過，所以專程揸車走入嚟西貢一試，但好失望，首先湯底冇味，叫咗唔同嘅餸，包括啲肉霉霉地嘅雞翼，唔辣嘅辣魚蛋及係淋嘅，放咗一段時間硬哂軑嘅紅腸，冬菇蘿蔔都算正常，湯底加咗辣但係一啲都唔辣。煮麵嘅阿姐態度唔好，櫃面職員一般，去嘅時候係星期五下晏6點，只有一檯人，已知道伏咗。每個餐廳嘅廁所衛生都好重要，但呢度好污漕及非常狹窄，老人家或行動唔方便嘅人，就唔好喺呢度食嘢勒。最好味係叫咗一支樽裝可樂，有氣、夠凍、解味精。兩個麵每個3份餸加一支可樂，共港幣$97。