皇牌威靈頓牛柳 $358
上菜之後見到勁大一舊，好怕食唔晒！酥皮烤得金黃金黃，切落酥脆不散，陣陣蘑菇味隨切開而飄出，食慾瞬間大增！😋牛柳應該5成左右熟，肉質淋身唔韌，而且本身牛柳既牛香味都幾重！配菜都好鮮甜，唔會有草青味。尼個係必點之選，唔怪之得，佢可以做到皇牌🥇！
香草牛油焗田螺酥盒 $98
酥皮盒好似牛角包咁酥脆，入面釀左少量薯蓉，聞落勁香，再配埋爽口既田螺，多重口感，勁滿足！
DIY Pasta $188
尼款係一個set，包左沙律、雜菜餐湯、餐飲，同埋一款自由搭配既pasta。我地揀左「鮮番茄汁+大啡菇+天使麵」，味道唔算好濃，天使麵煮得偏淋，而大啡菇做左切片，味道都幾香。另外跟餐加多$1 有一小份既Tiramisu，味道唔會好甜！
1
