Video
Read full review
2023-07-28
88 views
成日以為波鞋街對面個商場淨係賣鞋 但係原來入面裝修都好靚 係叢林style嘅裝修入面仲有間泰式餐廳 都幾多新派菜式選擇！🍤泰式虎蝦金邊粉💰118呢碟金邊粉嘅點睛之處就位於佢巨大嘅兩隻虎蝦 好似企係度咁 隔離D蔥都好似竹林咁比隻蝦挨住 配料仲有炒蛋同豆乾 當然花生碎都必不可少 撈勻之後每條金邊粉都紅通通咁 不過辣油都唔係好辣所以淨係加添左D風味姐！金邊粉就幼身唔係好彈牙但係都唔錯 蝦可能想營造個爆殼嘅效果所以油爆大蝦咁 所以就有D太油 同埋入返小小味會好D！🫕白冬陰功-南薑椰奶雞湯（小）💰86冬蔭功飲得多 白冬蔭功一定冇乜點見過 睇佢咁濃郁就一定有椰漿 仲有好多香茅同筍都酸酸地好開胃 雖然係椰奶樣 但係都冇違背佢白冬陰功嘅名 仍然都係酸酸辣辣咁 但係辣味少好多！不過會濃郁好多 話曬有椰奶 口感都好順滑 雞肉都超大塊 應該係醃過好耐嘅雞肉 自帶鹹味 比起嫩雞冇味好好多😗🌮牛肉生菜包💰118本身以為係牛肉碎嘅生菜包 原來係用椰菜包嘅牛肉片 份量都超大 一塊葉包2-3片都包唔曬🤣牛肉一D肥肉嘅部分都冇 特別精瘦 點汁之後會清新D 加埋辣椒好惹味但係都幾辣下 但係個人覺得生菜包都係用返可以生食個
成日以為波鞋街對面個商場淨係賣鞋 但係原來入面裝修都好靚 係叢林style嘅裝修入面仲有間泰式餐廳 都幾多新派菜式選擇！
🍤泰式虎蝦金邊粉
💰118
呢碟金邊粉嘅點睛之處就位於佢巨大嘅兩隻虎蝦 好似企係度咁 隔離D蔥都好似竹林咁比隻蝦挨住 配料仲有炒蛋同豆乾 當然花生碎都必不可少 撈勻之後每條金邊粉都紅通通咁 不過辣油都唔係好辣所以淨係加添左D風味姐！金邊粉就幼身唔係好彈牙但係都唔錯 蝦可能想營造個爆殼嘅效果所以油爆大蝦咁 所以就有D太油 同埋入返小小味會好D！
🫕白冬陰功-南薑椰奶雞湯（小）
💰86
冬蔭功飲得多 白冬蔭功一定冇乜點見過 睇佢咁濃郁就一定有椰漿 仲有好多香茅同筍都酸酸地好開胃 雖然係椰奶樣 但係都冇違背佢白冬陰功嘅名 仍然都係酸酸辣辣咁 但係辣味少好多！不過會濃郁好多 話曬有椰奶 口感都好順滑 雞肉都超大塊 應該係醃過好耐嘅雞肉 自帶鹹味 比起嫩雞冇味好好多😗
🌮牛肉生菜包
💰118
本身以為係牛肉碎嘅生菜包 原來係用椰菜包嘅牛肉片 份量都超大 一塊葉包2-3片都包唔曬🤣牛肉一D肥肉嘅部分都冇 特別精瘦 點汁之後會清新D 加埋辣椒好惹味但係都幾辣下 但係個人覺得生菜包都係用返可以生食個隻生菜好 比較多水份😂
🍘焦糖香蕉糯米飯
💰78
芒果糯米飯見得多焦糖香蕉聽落仲邪惡D 香蕉有6大塊 表面都有炙燒過嘅焦糖片 仲灑滿曬好多燒過嘅椰子碎 真係超香😻糯米飯係藍色 應該用左D蝶豆花染色 糯米煲得好熟好淋 雖然好難切開但係真係好儺😻只不過芒果同香蕉最大嘅區別就係芒果水分多可以refresh下 但係香蕉都係咁甜🤣
🧋楊枝甘露奶蓋
💰48
表面有清新嘅西柚 下面就係結身嘅楊枝甘露 加上奶蓋口感更上一層！
整體來講呢度都好多新派嘅泰菜款式 可以試下唔同新嘅搭配 味道都係個種所以好難出錯🤣環境都幾靚 不過可能座位有小小近
📌 青花 (The Forest) (旺角)
旺角奶路臣街17號The Forest 1樓107-108號舖
Post
