御滿屋日本料理

Open Now

Now Closed

為慶祝家中嘅小學雞考完試，佢話想食放題，經同事介紹之下，今日就book咗呢間喺旺角嘅御滿屋食返餐豐富大餐。原來依家嘅日式放題店都引入咗用QR code自助落單，唔再需要自己填紙仔，漏單嘅機會亦都大大減少咗。飲品櫃都有幾個，以下只係其中一個，飲品選擇非常多，而且每個櫃都放得滿滿的，確保供應量充足。除咗有落單嘅食物之外，店內亦設有自助區域，沙律冷盤熱盤排列整齊，食物選擇亦都多，仲有爆谷機同朱古力噴泉添！另外仲有冷熱清酒同梅酒，嗒返幾杯都已經回本啦！刺身款式選擇多，有三文魚、吞拿魚、油金魚、八爪魚、帶子、甜蝦、大赤蝦、赤貝、馬刀貝、松葉蟹棒等等，賣相吸引夠繽紛。炸物方面水準亦都高，芝麻雞翼、酥炸生蠔、炸芝士全部都好好食！仲有花膠同碗仔翅，我哋每人食咗兩大碗！我就最鍾意食壽喜燒，所以叫咗個牛肉鍋，之後仲自己叫多個烏冬放落去食，正到不得了！最後仲有每人一杯自選雪糕，我哋就揀咗食Häagen-Dazs，真係值回票價！而家嘅日式放題店競爭真係大，所以定價都不會太高，而食物嘅質素亦都不斷提升，呢個真係食客嘅福音啊！