極尚大喜屋

Open Now

Now Closed

放假落咗旺角買嘢，行到攰心思思又想去食放題。去咗極尚大喜屋午市放題$268食足兩個半鐘，長者仲有88折優惠。食放題我習慣一坐低就叫一盤刺身食吓先。油甘魚、希靈魚、北海道鮮帶子、赤貝、甜蝦、極品大赤蝦同池魚王。全部都新鮮好味，油甘魚同帶子勁厚身。食落真係好滿足。海膽軍艦海膽creamy 新鮮食多幾件都回本😆避風塘軟殼蟹食落啖啖肉夠哂惹味。鹽燒牛舌牛舌夠厚又夠淋加兩滴檸檬汁仲正。鮮蟹粥粥底好鮮甜足料。皇牌燒乳鴿王熱辣辣皮脆肉鮮嫩。外面仲有好多冷盤熱盤。點心蝦餃都有😍甜品區款式多食埋雪糕同極尚椰皇燕窩燉蛋白真係大滿足😌