［消費指定金額可以$1加購食物］
款式4選1:木瓜沙律/泰式生蝦/泰式海蜇🪼/泰式椰汁糕。好抵食，份量都唔少：一客泰式海蜇好多塊/4件泰式椰汁糕。海蜇比外面食開嘅係大塊，而且質感煙煙韌韌好爽口。椰汁糕唔會太甜，好有泰式風味。
泰式2人套餐（配白飯及飲品🥤）
泰式炒白貝：餐廳招牌，白貝較蜆較為大隻，肉都更大粒好有口感；面且用泰式炒法好惹味。
馬拉盞炒通菜：少少辣挺香口，通菜煮至質感軟身。
🥣冬蔭功海鲜湯：小鍋上，很足料有蝦，蜆等海鮮。味道👅微酸唔辣。
青檸冰、香茅冰：套餐已經包含左唔駛加錢好抵飲。味道酸酸甜甜好開胃🤤
青咖喱軟殼蟹：
兩樣分開奉上避免個汁整濕軟殼蟹影響香脆感。青咖喱🍛味道👅調得剛好，好香既香草🌿味道。
泰式椰汁燕窩(熱）：諗住叫杯甜甜熱飲食甜品；味道有d似熱杏霜，唔會過甜而且底部有真·燕窩，啖啖燕窩肉🤣
