老川皇

Open Now

Now Closed

今日朋友帶我去一間喺旺角多年嘅老牌川菜-老川皇，地點喺朗豪坊後面，地點都算方便。呢度主打川菜之外，仲有重慶燒烤，雞煲火鍋等等。午市亦非常多選擇，平均幾十蚊就有交易。蒜蓉萵筍絲，清綠脆嫩，仲非常夠鑊氣。重慶辣子雞，雞肉炸得香脆可口！配上大量乾辣椒，炒得乾身，非常惹味。招牌酸菜魚，奶白色魚湯，非常鮮甜，魚片份量十足，唔夠辣仲可以加青尖椒。人均消費百多元，喺旺角食到正宗川菜實在難得。老川皇喺旺角屹立多年，梗係有佢個人之處。