僕之拉麵 (Closed)

今日去開旺角，晚餐突然想食拉麵，咁啱經過呢一間豉油街嘅拉麵舖，見到佢門口有招財貓同埋啲日式嘅裝置，好有日本feel，就一於入去試吓！入邊嘅裝修風格都係好日本嘅，牆上面掛住啲掛畫同埋面具，啲枱都坐得幾舒服。睇完餐單之後決定叫叉燒拉麵，另外追加左一啲粟米叉燒拉麵份量都好多，上面鋪滿叉燒，每一塊叉燒都好入味，而佢個湯底係可以揀唔同嘅味道，我揀咗比較清淡嘅鹹味清湯，佢個湯底唔會話十分下，係我喜歡嘅比較清淡嘅味道！不過如果你鍾意食濃味嘅話，都可以揀濃湯㗎 ！麵身都係有得揀嘅，我個人唔太喜歡食硬野，所以就揀咗軟麵，個麵軟韌，又都好掛湯！總括嚟講呢一碗拉麵各個配料都做得不錯，喜歡食叉燒拉麵嘅就一定要試吓！