阿來泰式地道風味

Open Now

Now Closed

之前一早就聽講旺角某間食泰國野食平靚正，等左好耐，今晚先有機會過黎試一試😂😂今晚得我同朋友兩個食，加上我地都係細食，淨係叫左幾樣野食。雖然得3樣主食，但係我地都食到好飽，肚都漲埋😂😂泰式香芒蟹肉炒飯$68大大舊蟹肉同芒果，材料夠足。難得既係飯軟硬程度岩岩好，唔會太硬，又唔會太軟。依款好岩夏天食，有芒果既配搭，令到食落唔會覺得太流。肉子豆腐粉絲湯(細)$58由於我朋友唔想飲凍飲，所以叫左湯水😁依款食落好有香港味道，仲有住家飯既感覺😂😂泰皇咖喱炒軟殼蟹$108依碟餸認真無叫錯，味道真係岩我胃口😍軟殼蟹有兩隻，分為4舊。蟹肉炸得好好，好脆，唔會話食到有骨。最正既係佢既漿，係成碟漿，勁多。而且個漿唔係普通咖喱漿，係加左蛋，令到漿既顏色好突出，好鮮黃。依個漿真係可以令人食多碗飯。椰子三色冰$22果然係三色冰，有3隻顏色，色彩繽紛。綠色滑lu lu,黃色同紅色有咬口。