今次去呢間CAFÉ位於旺角金雞商場樓上，第一次黎到第一個感覺呢到都幾舒服寬敞，餐廳以白色梳化做餐椅，坐得好舒服。
晚餐選擇由A-H餐，跟餐飲，另可加$30要埋沙津同甜品。
我地今晚點左<黑松露帶子鮮菌燴意大利飯>，呢到食物份量足，食完覺得夠飽，意大利飯伴隨黑松露的味道，黑松露味道唔算好濃，帶子一粒粒配埋鮮菌一齊食，意大利飯口感不錯。
另一個主菜係<墨西哥香辣肉丸燴意粉>，呢個肉丸意粉我地幾鍾意，主要個醬汁好惹味，香中帶辣，辣度應該算係中辣，意粉爽口，越食越想食。
CAFE飲品選擇當然多，除左有茶類，奶昔類，梳打，咖啡等等，棒子朱古力，頂層有忌廉，飲落好香滑，朱古力味相當濃郁。
整體食物不過不失，個人認為呢到地方就腳，餐廳舒服係賣點之一。
