一路都想發掘下香港既小店 今次黎到位於旺角黑布街既申子居酒屋 🏮
雖然價錢定位高少少 但保證可以試到唔同既一品料理
呢度有齊刺身，壽司，卷物，鍋物，串燒 一定有款啱食👍🏻
🍲福岡牛腸鍋 ($208)
話明食一品料理 梗係要試下d特別既日本鄉土料理
日本九州福岡既地方特色料理もつ鍋 🍲
用上牛腸，野菜，韭菜 配以傳統醬油湯底熬製已成
怕試內臟既朋友都唔使驚 牛腸鍋主要係食口感😆
牛腸配上醬油湯底既野菜不肥不膩 絕對值得一試🥰
🥗海葡萄冰菜沙律 ($148)
平時唔食沙律菜既人都可以試下冰菜沙律
聽聞食冰菜好有益 可以控制血糖維持正常凝血功能🩸
營養得黎 冰菜同海葡萄都鮮嫩爽脆 口感十足😋
餐廳用左醋黎調味 酸酸甜甜好開胃 🍋
🐮極上鹽燒牛舌芯 ($128)
好多人都會都嗌呢款招牌牛舌芯 🤩
牛舌芯真係燒得好軟腍 因為厚切大大粒既關係
裏面仲係好Juicy 碟上仲有點埋岩鹽同埋柚子胡椒調味🧂
可以中和到牛舌嘅油脂感
🍣申子新卷 ($248)
最後卷物推薦 掛埋自己舖頭名既申子新卷
睇圖比卷物上面既吞拿魚蓉同埋海膽吸引🤩
點知原來最好食既係卷起既炸三文魚皮
每啖都有脆卜卜既口感配上魚生同海膽既鮮甜😋
其實仲有好幾款特色卷物 要留返下次黎試👍🏻
🏡申子居酒屋
📍旺角黑布街74-76號藝興大廈地下1號舖
