御滿屋日本料理

Open Now

Now Closed

已經有好多年無食過放題，今日陪阿仔出旺角，貪得意即管又試下。餐廳位旺角市中心地鐵站E1出口側，電梯㩒1字，位置十分方便。餐廳主打日式料理放題，有四款菜單選擇。平日午市價錢由$238至$568不等，而食物最少由77品起至128品。我們選了《經典三重新鮮江洋盛宴》（$238/位），除了任食仲係任飲添。飲品設有超大自助區，除提供各款罐裝凍飲，更有清酒、梅酒及茶品供應。有凍有熱，悉隨尊便。食物方面，基本上常見之魚生、壽司、天婦羅都有。熱食方面，有各款串燒、日本料理、燒蠔，亦有飯等供應。想食啲乜，只需坐定定用手機掃一掃QR code ，便可以輕鬆下單。食物份量不會太大份，可以讓客人細细份先嘗嘗味道，如果喜歡可以再加單。咁就可以多試幾款不同食物，而不會食唔曬浪費食物｝。另設有前菜自助區，有多款前菜小食，例如泡菜、涼拌魚皮、海蜇、腐皮等，亦有多款炸物小食等等。最後，當然唔少得甜品及雪糕啦，同樣有供應。呢個午市放題，相信一定可以滿足到你。