吉壽日本料理 (Closed)

朋友提早兩日同我講話想食放題，咁就提早book定啦，夜啲嘅時段價錢平啲，自取位好多呀~~有好多唔同款式嘅食物選擇，有好多飲品，仲有甜品添！出去攞咗一個非常足料雞湯，裏面有好多唔同嘅配料味道比較濃郁。蟹粥質感非常之綿，調味做得不錯，也有一些甜粟米在裏面。燒菠蘿味道都係比較甜，時間處理得啱啱好，作為飯後甜品一流。Mini海膽手卷比較清新，因為份量唔會太多，所以食咗都唔會特別飽，好似食咗一個壽司咁。海膽嘅質素都比想像中OK。雞軟骨香脆有鹹香，實在不錯。Sushi左口魚//三文魚都係好正呀，上面嘅魚好新鮮好清新！值得下次再嚟食放題！