神戶屋日韓放題

Open Now

Now Closed

一進到餐廳，感覺氣氛十分好，會播唔同嘅流行曲，讓原本疲累嘅心都有休息嘅時間。刺身之中嘅帶子最為出色，口感好正，而且好滑，完全唔韌，必食！希靈魚好爽口，又新鮮，顏色相當吸引。三文魚都唔錯，好新鮮而且無腥味，入口軟滑。壽司方面，黑松露三文魚壽司是一個十分經典配搭，絕對無令人失望，味道層次豐富而且好夾，黑松露很香濃。天婦羅個皮唔會話好厚，蝦同皮個比例啱啱好。至於，扇貝同沙律配搭幾特別，食落去幾清新，沙律醬嘅味道比較濃。單骨雞翼個皮好脆，肉質鮮嫩。另外，部隊鍋個湯底幾濃味，火鍋配料都算多，雖然鍋嘅份量比較小巧，以哩個價錢黎說都幾抵食。飲品方面，一如其他嘅放題，有好多唔同種類嘅飲品選擇，例如不同果汁、汽水、茶，選擇數量適中。走之前仲食左杯雪糕，hagen dazs等嘅牌子都有，還有大熱嘅韓國雪條。整體黎講， 餐廳嘅食物同環境都有質素，下次會再嚟食嘅。