樂天大喜屋 (Closed)

難得同朋友中午得閒，就一齊去食個中午放題，貪佢可以食三個鐘，同埋價錢比夜晚抵，最重要係就算食到好飽都冇咁容易肥！一早已經book定呢間係創興廣場嘅樂天大喜屋，雖然今日係閒日，但係都有唔少人食放題！廢話少講，即係講下有啲乜嘢食，我哋本身食量唔多，主要都係鍾意食壽司類。呢間餐廳就有好多唔同嘅創作壽司，有肥美嘅三文魚火灸壽司，清新嘅左口魚邊火灸壽司，仲有牛肉同埋玉子，全部嘅飯都細細舊，溫度適中，表面嘅肉經過火石處理特別香，啲油都出晒黎！刺身呢啲就唔使講，一定要叫，最鍾意佢就係我哋叫幾多就來幾多，唔會比多左或少咗。特別好食嘅有甜蝦，帶子，其他都屬於正常水準。另外仲有啲燒物，例如翠玉瓜，牛舌同埋菠蘿等等，啱啱燒好，熱辣辣而且可以保留着肉汁。蟹粥份量可以比超過兩個人食，裏面真係有隻蟹，而且好入味，啲粥嘅飯份量啱啱好。仲有自家嘅椰子雞湯，材料十足而且味道清清地十分清新。出面仲有自助區，可以揀下嘢飲，款式多多，我就揀茉莉綠茶。當然仲有好多支裝或者罐裝飲品。朋友貪得意就出去攞埋自助佢嘅食品，真係大開眼界，一大章魚小丸子，即刻攞兩粒返去，仲有熱辣辣嘅炸餃子等等，仲要調味係唔錯，新鮮出爐鍾意拎幾多都得啦！-