盈館

Open Now

Now Closed

夜晚放工同屋企人去食飯，屋企人想食片皮鴨，於是上網睇下邊間片皮鴨抵食，見有人推介依間酒樓，於是就去試下！火焰鹽燒雞店員會點火燒住隻雞，效果好打卡，不愧係依間店嘅名菜。雞肉充滿鹽燒香味，肉嫩多汁，咬落去鮮美十足。北京片皮鴨鴨皮超香酥脆，皮下脂肪少但都充滿油香味。餅皮柔軟熱辣辣，再包上青瓜同葱絲，口感層次豐富，令人回味。香芒貴妃蝦球一上桌就已經聞到好香芒果味，蝦球大大粒，質感鬆脆肉質彈牙，配上香芒醬汁味道香甜清新，好啱夏天食用。每粒蝦球下都有一塊脆炸饅頭，食落味道甜甜地，唔會好油膩。蔥葱焗桶蠔蠔仔份量相當多，蠔肉鮮嫩又大大隻，每一啖都充滿香葱味，焗到微微焦脆既外皮為菜或增加香脆感，口感層次豐富。