陳儀興牛什粉麵 (鴻祥大廈)

Open Now

Now Closed

聽聞呢間粉麵舖有得牛既罕見部位食，香港好少見，梗係要試下啦！牛沙瓜套餐（淨食）+ 腐乳通菜+鹹檸七牛沙瓜彈牙，滷得入味，配埋滷水汁超正！腐乳通菜夠哂濃味。鹹檸七鹹甜平衡，解膩一流。 鮮蝦雲吞（淨食）雲吞皮薄餡足，蝦肉新鮮彈牙，湯底清甜唔會過鹹。菜心嫩綠冇渣，合格！熱檸水普普通通，冇乜特別。 小食（我要曬）炸雲吞脆卜卜、章魚丸彈牙、墨魚條爽口、蝦棗丸香口、魚皮脆到似食薯片！點泰式甜酸醬超夾。 牛沙瓜好特別，炸物出色，價錢合理。環境就典型粉麵店格局，趕時間或想掃街小食可以一試！