串燒
♦️鹽燒西班牙五花腩
五花腩肥瘦分明，夠晒乾身。
♦️味噌松板豬
肉質比較有口感，仲可以點埋隔離嘅蛋黃醬食😗
♦️豚肉荔枝卷
用五花肉包裹住荔枝🐷食落口一啲都唔肥膩。
♦️鹽燒雞腿肉
呢個雞腿肉整得好出色，雞皮香脆，底下嘅雞肉仲有肉汁🐥
♦️免治雞肉棒
呢個串燒都係必叫之選，點埋日本蛋汁食，味道一流🍳
♦️椒鹽雞軟骨
每一粒都好飽滿，食完仲想encore多兩串。
♦️惹味雞腳筋
呢個係比較特別嘅位，雞腳筋幾爽口。
♦️黑松露燒雞肝
本身都擔心過雞肝會有啲腥，但係原來配埋黑松露做調味係咁出色㗎🙈
♦️鹽燒牛舌芯
呢個牛舌芯好Q彈，一啲都唔韌👅
♦️蜜糖燒菠蘿
係個勁juicy多汁嘅菠蘿🍍加埋少少蜜糖，更能帶出菠蘿嘅香味。
焦糖菠蘿鵝肝醬多士
一份有兩件多士，面頭有菠蘿同埋鵝肝醬，酸酸甜甜更加解膩🍞
椒鹽＋紫菜味＋泰式辣醬＋九肚魚
呢個係餐廳嘅新品，酥脆嘅九肚魚有三款調味，分別係椒鹽、紫菜同埋側邊嘅泰式辣醬。個人最喜愛紫菜口味😗
明太子忌廉烏冬
Creamy嘅忌廉面頭有溫泉蛋同埋明太子，將蛋汁同埋明太子撈埋烏冬食好吸引☺️
流心蛋薯仔沙律
係個幾飽肚嘅選擇，頂頭有一隻流心蛋🫶🏻 個蛋汁同薯仔沙律好夾。
港式蜜糖多士夾雪糕
香脆嘅多士入面夾住雲呢拿雪糕🍦係個幾正嘅甜品。
Sapporo生啤
有買一送一優惠，配埋串燒好夾🍻
呢間串燒店算係平靚正，所以都幾多人幫襯，大家嚟食記得要book定檯啦🫢
65
