串Grill 自助燒烤專門店 (廣華街) (Closed)

呢間串燒開咗好耐，今日終於有機會試吓佢。餐廳基本上全部都係卡位，坐得都幾闊落。7:30前離座會有happy hour平少少，平日夜晚嚟都full House喎。Menu 上嘅串燒都以肉類為主。入到去坐低店員會問係咪第一次嚟，我哋第一次嚟，佢就先俾咗第一盤肉俾我哋燒住慢慢揀嘢食，佢嘅嘢食都幾新鮮。肉類來講個人比較鍾意M6和牛牛柳，牛脷同埋羊肉。M6和牛牛柳佢嘅油脂會係個口腔爆發。而個牛脷就厚切又夠淋，牛味都夠香。 羊肉就係串燒必食，每次串燒都要食羊肉，羊肉既肉香味， 加上串燒用嘅香料椒鹽同孜然粉等等，一路燒一路都聞到流晒口水。另外仲有一個超邪惡推介， 佢呢度有豬大腸。肥美嘅豬大腸經過燒煮後， 佢嘅外皮會燒到脆卜卜，啲脂肪會收乾，好香口。另外佢仲有台灣腸，海鮮，燒菠蘿，丸類，蔬菜等等。飲品方面佢罐裝同支裝嘢飲都有，出邊雪櫃自己拎。店員服務態度值得欣賞，做事細心。