鬼金棒

Open Now

Now Closed

是日又想食拉麵，自己平時好鍾意食豬骨濃湯或者雞白湯拉麵，但友人好鍾意食辣，於是就嚟試吓呢間望落啲嘢食好辣嘅拉麵店。餐廳個環境令到我都有啲擔心會唔會真係好辣😂小食揀左日式餃子，唔算特別，正常味道，不過佢連個醬油都要配少少辣椒油，配合返間餐廳嘅主題😂因為我唔係好食得辣，所以我好小心咁揀左小辣小麻嘅味玉辣麻味噌拉麵🫣望落去好似唔係好辣，令到我都放心返少少。除左蔥仲有少少洋蔥粒同黑蒜油，湯嘅味道層次更多。食落真係唔算辣，食得辣嘅可以叫大辣以上；鍾意食麻嘅亦可以揀多麻，因為小麻食落同出面啲麻辣嘅麻仲有少少距離。但呢個辣度對我嚟講就啱啱好😂條粟米仔出乎意料地好味，係有落調味料燒過👍🏻麵質屬於偏硬果種，但平時食開軟麵嘅我都接受到。份量唔算少，食完都飽肚。友人就揀左莞荽辣麻味噌拉麵，中辣中麻，對於食得辣嘅佢，佢覺得可以揀鬼辣，但佢都覺得個湯底係幾好味。而且莞荽份量都幾多，令碗湯都充滿莞荽味，同個辣麻味幾夾。專食辣嘅拉麵店比較少見，而且佢嘅辣度又可以自己揀，唔怪得平日夜既都咁多人幫襯。