明珠冰室

Open Now

Now Closed

港式早餐不外乎都係一個麵配腸仔/餐肉/火腿/蛋再加個包，個包一般都係多士或者餐包，又或者近年大熱嘅丹麥多士，菠蘿油通常都係獨立存在，好少跟餐會有。 黎到明珠冰室，今次叫左沙爹牛肉麵，麵底係福麵（比較少見，可能我見識少），牛肉唔會用好多粉去醃。火腿太陽蛋，太陽蛋最緊要有燶邊，蛋白唔會太生，蛋黃完整無爛。重點係跟餐迷你菠蘿油，真係比較少地方有。 環境方面係懷舊裝修，整體上都乾淨企理。懷舊冰室買少見少，近年好多都係新派扮懷舊，做唔出嗰種感覺。