JK Brother’s (Closed)

每月同閨蜜約好的飯局， 今次選擇了這間 以生八爪魚為主打的日韓放題, 一入去已經見到大大個魚缸放八爪魚，飲品雪糕甜品區間隔清式種類多。這裏是用QR code手機落單，十分方便。一坐低即刻點了招牌生八爪魚試試，非常新鮮生猛，入口鮮甜爽口彈牙； 醬油蝦大大隻好鮮甜， 醬油入味味濃； 點了一盤刺身質素不錯，新鮮爽甜； 輪到熟食，榴槤波波有驚喜熱辣辣，榴槤蓉一咬就流晒出黎，榴槤味超濃郁，炸香蕉幾特別，味道甜甜地唔錯，另外點了炒野菜好惹味、香芋波波香脆可口、芝士餃子外脆內有流心芝士、燒菠蘿燒得剛好清甜、鴨胸沙律酸酸甜甜好清新。 食到飽飽地都當然唔少得要試下甜品啦，呢到好多韓國雪糕雪條選擇，最後我揀左芝士蛋糕雪條， 口感好似食緊芝士蛋糕咁，芝士味好fresh一啲都唔膩，令今餐放題畫上完美嘅句號。