Video
Read full review
2022-12-11
376 views
今日同朋友係附近行街，接到呢間餐廳既傳單，見到款式好多，仲要日韓式食物兼備，正好我地兩個都好餓，一於大拆一餐。一坐低店員就叫我地先填左呢三張先，其他就Scan QR code再落單。見到已經覺得興奮，有咁多野食揀。期間限定料理可以三選一，我地揀左芝士部隊鍋，另外仲可以按人頭叫生蠔同海膽，好少放題有得叫呢啲。韓式芝士部隊鍋，部隊鍋應有既配料佢都有齊：年糕、午餐肉、芝士腸、火腿片同大量娃娃菜，重點係另外仲附有一包辛辣麵，唔係普通公仔麵，而係辛辣麵，即刻加哂分。刺身當然係放題既重頭戲，師父將切身砌得好有心機，成隻刺身船好靚，忍唔住多打幾張卡，每種刺身都好厚身，種類亦好多，除左一般既三文魚甜蝦果啲外，仲有泰式生蝦、鯛魚等唔係度度有既刺身。海膽同生蠔當然係重點，生蠔都算大隻，而海膽亦唔會腥苦，仲可以+$99任食生蠔海膽，真係超級扺食，但我地想留肚試其他食物就無加到。黎個生蠔大特寫先，真係見到都覺得好吸引。海膽同樣黎個特寫，雖然份量唔多，但叫做可以過下口癮。壽司既選擇同樣非常多，每一件都小巧精緻，可以試好多好多款，花之戀同三文魚籽花之變當然係必點，牛油果軟殼蟹巷同芝士鰻魚巷亦都同樣推介。炸物係今餐
一坐低店員就叫我地先填左呢三張先，其他就Scan QR code再落單。見到已經覺得興奮，有咁多野食揀。期間限定料理可以三選一，我地揀左芝士部隊鍋，另外仲可以按人頭叫生蠔同海膽，好少放題有得叫呢啲。
韓式芝士部隊鍋，部隊鍋應有既配料佢都有齊：年糕、午餐肉、芝士腸、火腿片同大量娃娃菜，重點係另外仲附有一包辛辣麵，唔係普通公仔麵，而係辛辣麵，即刻加哂分。
刺身當然係放題既重頭戲，師父將切身砌得好有心機，成隻刺身船好靚，忍唔住多打幾張卡，每種刺身都好厚身，種類亦好多，除左一般既三文魚甜蝦果啲外，仲有泰式生蝦、鯛魚等唔係度度有既刺身。
海膽同生蠔當然係重點，生蠔都算大隻，而海膽亦唔會腥苦，仲可以+$99任食生蠔海膽，真係超級扺食，但我地想留肚試其他食物就無加到。
黎個生蠔大特寫先，真係見到都覺得好吸引。
海膽同樣黎個特寫，雖然份量唔多，但叫做可以過下口癮。
壽司既選擇同樣非常多，每一件都小巧精緻，可以試好多好多款，花之戀同三文魚籽花之變當然係必點，牛油果軟殼蟹巷同芝士鰻魚巷亦都同樣推介。
炸物係今餐最驚喜既，一般放題既炸物都會好厚粉而且味道一般，但呢度既炸物幾出色，芝麻雞翼一如以往好食，而韓國炸鮮奶同日本芝士年糕亦相當好食，係真係可以用好食黎形容，炸年糕好軟糯，炸鮮奶好清甜。
仲有大量唔同款式既料理同燒物，有韓式、有日式，仲有埋川式添。
燒蠔同鹹蛋黃金蝦係我比較推介既，鹹蛋味好夠，蝦都幾大隻。
日式燒牛舌亦係比較出色既一款，牛舌好稔好軟熟。
飲品種類唔算好多，但當然亦都唔算少，汽水、果汁、茶類都有。
PS：地下既lift無得直接上黎，要先搭電梯上三樓，再係三樓轉lift上去
Post
