大本瀛日式放題

Open Now

Now Closed

好耐冇食過放題，今晚為了約朋友一聚，順便同佢推介台灣行程，就揀左旺角區食放題，貪可以坐下食下又傾下計兆萬中心都幾多選擇，參考過地下水牌的介紹，就決定食10樓呢間大本瀛啦，因為我地兩個都偏好熟食，呢間可以叫埋泰式食物就更好喇。今晚6點半左右入座，收費$188/位（另加一），限時2小時。呢個時段黎唔算多人，一坐低就研究下食乜好，咁多張點餐紙都令我即刻患上「選擇困難症」，哈哈。首先第一輪食左少少刺身，都算新鮮，特別係赤貝同赤蝦。壽司就淺嚐左幾件，個人鍾意食火炙左口魚邊同帝皇蟹棒壽司，食完一輪之後都有encore。今晚的重頭戲係熟食類，我地叫左幾轉，特別推介芝麻雞翼、和風炒雜菜、台式鹽酥花枝丸同自家製手打炸蝦餅。飲品係自取的，我幾鍾意道地菊花綠茶，甜品亦可以食3.6牛奶布甸，奶味香濃。兩個女仔傾下計，食下嘢，渡過了一個愉快的晚上。