666
22
23
Exit B, Mong Kok East MTR Station, Exit A2, Yau Ma Tei MTR Station continue reading
Telephone
37431977
Opening Hours
Today
12:00 - 01:00
Mon - Sun
12:00 - 01:00
Payment Methods
Visa Master AlipayHK Alipay Cash UnionPay WeChat Pay
Number of Seats
100
Other Info
Online Reservation
Wi-Fi
Alcoholic Drinks
Phone Reservation
Reward Dining Points
Delivery
10% Service Charge
TV Broadcast
Spot payment
About Reward Scheme
Review (763)
Level4 2019-09-06
2566 views
唔少放題環境都好逼,幾乎同後面枱背對背咁坐,想郁一郁都難所以我中意去呢間,貪佢有卡位坐得舒服啲,枱與枱之間有蓆隔開,私穩度高。而且呢間放題無乜漏單情況,店員收碟換碟程度都好快,抵讚放題必點刺身,呢度有泰國虎蝦供應,蝦肉爽口配上帶蒜香既辣醬,質素比得上泰國餐廳最中意食前菜胡麻豆腐,落足醬料,香口又涼浸浸夠消暑。好少放題有枝豆,仲要夠大粒飽滿元氣要廿蚊碟,有得任食當然要瘋狂encore。推薦燒鯖魚唔腥,燒得唔燶又唔會太鹹。燒烤類,肥牛片唔油,包裹住爽脆既金菇,口感豐富。羊架一定要食,燒得夠稔夠鬆軟,最重要夠厚肉,一咬落去仲識咇肉汁咖牛柳粒位置幾好,唔係得肥膏,切成骰仔大小岩岩好一啖一粒,稔身唔韌,落左椒蔥炒得香口惹味次次黎都會點既特濃芝士茄醬雞球,個醬好似食梗pizza咁,酸酸甜甜鹹鹹香香辣椒膏青口無咩辣味,反而似芝士醬,同嫩滑既青口夾埋口感幾滑。呢度仲有唔少泰國小食,例如鳳尾蝦春卷,網卷口感鬆脆,內餡係蝦肉同豬肉,雖然略帶油膩,但香口程度滿分💯手打蝦餅超級彈牙連豬頸肉都有,肉質爽口,味道清清地,主要靠酸甜醬調味。呢個越式牛油雞翼一定要食,外皮炸到好香脆,但又唔會有脆香雞翼既粉感一咬開勁濕潤勁多雞油,好juicy~~~超邪惡呀! continue reading
(The above review is the personal opinion of a user which does not represent OpenRice's point of view.)
Level4 2019-08-28
2160 views
好耐都冇係兆萬食過野,大家都應該知道原因XD今次朋友推介,就即管試試! 位於兆萬的10/F, 日泰放題(其實主要都係日式多D)來吧, 好快 (係快到唔夠5分鐘) 就上第一round的刺身黎得好足, 而且刺身的款式都有好多!除左一般的三文魚, 甜蝦,帶子, 鮑片, 仲有八爪魚, 玉子, 泰式生蝦, 仲有D螺等等全部都好新鮮!仲有, 前菜的款式都有好多比一般更多選擇,有皮蛋, 鳳爪等等料理果PART就叫左少少, 2款蜆牛油粟米, 溫泉蛋 等等串燒方面真心唔錯 一口甜薯好味 翠肉瓜燒完都唔乾身羊肉同牛仔骨!羊肉有羊味, 兩款肉肉質都岩岩好, 而且好juicy牛仔骨仲encore 左!!!!我最愛既飛天通菜!!!比平時出面食既泰菜淡味少少, 不過都好OK如果太濃味, 再食刺身會影響左刺身既鮮味份量岩岩好~ 唔會太多再黎多ROUND 刺身第2 ROUND 刺身都黎得好足冇馬夫到!今次呢一餐真係令我對兆萬既食市改觀左好多推介兆萬10/F 大本瀛日式放題  continue reading
(The above review is the personal opinion of a user which does not represent OpenRice's point of view.)
生日飯陸續有來~ 今次朋友請我吃位於兆萬中心的優質日本放題~刺身,任點任食,份量十足,鮑片,鮮嫩彈牙; 珍寶帶子,清甜細嫩; 挪威三文魚,厚切肥美; 有頭甜蝦,粉嫩鮮甜; 泰式生蝦,明亮剔透,鮮嫩爽口,加上青檸香茅醬,酸香醒胃。款款刺身鮮味滿瀉,點一盤已值回票價!壽司,選擇繁多, 賣相吸引,其中黑松露系列壽司不容錯過! 刺身鮮香味加上松露香,令人垂涎; 醬燒芝士蟹棒壽司,芝香味濃; 火炙京蔥三文魚 / 香蔥左口魚邊壽司,鮮味十足; 海膽花之戀,海膽濃厚甘香,蟹籽晶瑩爽脆,三文魚鮮味十足,加上沙律醬的酸香味,份外滋味~壽喜燒鍋,牛肉軟嫩,牛味濃厚,滿嘴充滿肉汁及燒汁的甘甜味~ 配料冬菇、金菇及娃娃菜鮮香甜美,拌勻生雞蛋吃,更添馥郁的蛋香,令人回味 ~清酒煮蜆,蜆肉肥厚鮮甜,滲出陣陣清甜酒香,加點青蔥調味,清新香口,很適合夏天享用~鐵板燒紐西蘭羊架,肉嫩腍滑,肉汁豐盈,羊味濃厚,毫無羶味,香口惹味!燒有機菠蘿,富天然的果香甜香,厚肉多汁; 汁燒翠玉瓜,口感爽脆,瓜甜汁多,帶點焦香,健康味美; 燒冬菇,彈牙多汁,菇香味濃; 金菇肥牛串,肉香加上菇香,加上燒汁的甜香,非常惹味!流心芝士年糕,外層金黃薄脆不油膩,內層年糕煙韌軟糯,芝士細軟流心,香口滋味!貓山王榴槤炸彈,外酥內軟,咬下時,熱辣流心的榴槤餡料流出,濃厚榴槤香味在口中留有餘韻~朱古力泡芙 / 迷你朱古力心太軟,一口一啖,富香甜的朱古力味; 木糠布甸,入口即化,鋪滿鬆脆帶甜消化餅碎,甜香不膩; 3.6牛乳奶凍,口感滑順,富濃厚奶味~除了可點精選甜品,還可自取雀巢雪糕,而雲呢拿及朱古力味,最合我心意~飲品選擇多,夏日炎炎,選了椰汁及番石榴汁,冰涼止渴!整餐生日飯優質味美,價錢公道。大家說即使不是生日,平日也值得再來吃! continue reading
(The above review is the personal opinion of a user which does not represent OpenRice's point of view.)
Level4 2019-08-16
2122 views
奶油包同朋友星期六忽然身痕好想食放題咁奶油包之前食過『大本瀛』就推介朋友同奶油包再嚟幫襯2位朋友都係第一次嚟食佢地都覺得野食方面好多選擇N張點菜紙總有一款岩大家因為奶油包同朋友都太肚餓既關係所以就以狂風掃落葉形式去點左一堆野食『大本瀛』既飲品同甜品係自助既奶油包就唔講飲品個D因為呢D都係外購既唔好講廢話講下食左D咩先刺身拼盤…『大本瀛』既帶子刺身同蝦刺身都勁新鮮食落去既鮮味俾你知道佢唔係"揸流灘"既真心要講講帶子鮮味十足奶油包同朋友encore個刺身都有叫帶子三文魚刺身就一如出面既水準油甘魚食落都好食炸物奶油包都叫左好多 但係有一樣係真要推介 就係貓山王榴槤炸彈 鍾意食榴槤既真係要叫嚟試試 好食到冇朋友而串燒方面真心唔錯 一口甜薯好味 牛油雞亦方面牛油味唔係好重而且覺得有D咸蛋味唔知係唔係落左咸蛋牛脷勁好味要大大力要推介而羊架又唔會有個種騷味肉質都幾軟都係唔錯既而蜆肉方面清酒煮蜆係唔錯但招牌炒蜆就好一般喇冇咩辣味仲有少少沙飛天通菜就OK啦不過可以再重味少少天婦羅方面 水準都幾平均 而且唔係好油 但奶油包鍾意食蝦天婦羅多D甜品有木槺布丁,迷你心太軟同3.6牛乳奶凍3個都唔係好吸引但可以加錢食好D既甜品奶油包覺得『大本瀛』唔貴 食物質素都幾好不過『大本瀛』環境似局酒屋多過食放題既地方 continue reading
(The above review is the personal opinion of a user which does not represent OpenRice's point of view.)
Level4 2019-07-31
2558 views
行行下旺角肚餓,經過兆萬發現好耐無食放題,就入左黎試。試完覺得好ok!!會再幫襯😋先講出餐速度先,佢地收完order之後唔洗5分鐘就會出齊。快到痴線😂 侍應仲會好細心,有時填完紙放埋一邊,轉個頭佢地經過見到就會順手拎埋 好抵讚👍🏻食物方面食左好多野,刺身、熟食、沙津、鍋物同炸物都有試。魚生都好新鮮 尤其三文魚 凍凍地 好開胃好吸引!最最最好食既一定係燒三文魚壽司,之前有短暫上網做過research,個個都話好食。 果然不出所望 超級好食!!油脂好夠,三文魚好嫩,我同朋友瘋狂食左好多😂另外個菇都好好食,甜甜地又唔會覺得食唔到落去。最後我一個人食左兩碟😂整體來講,佢地種類好多好足,好多想食或者無諗過佢會有既野食都有😂環境都好好,係座位同枱太近有啲窄,不過都接受到既。而我地坐個個位咁岩望到廚房,見到情況都好衛生,食得好安心。題外話:食食下個陣突然播生日歌,然後有侍應拎住插左煙花蠟燭既蛋糕出黎,好靚😍佢地生日event都搞得好好,諗住下次有朋友生日都會去哩度慶祝! continue reading
(The above review is the personal opinion of a user which does not represent OpenRice's point of view.)